ტრაგიკული კადრი ხანძრიდან- მამაკაცს დამწვარი სახლის სახურავზე სძინავს და არ ტოვებს საცხოვრებელ ადგილს

შემაძრწუნებელია კადრები, რომლებიც მანდრაში გაჩენილი ხანძრის შემდეგ გავრცელდა, სადაც ასახულია ნგრევის სიდიდე და გამოუსწორებელი ზიანი, რაც ამ ტერიტორიის მცხოვრებლებმა განიცადეს.

ათასობით ჰექტარი ფერფლად იქცა, ასობით ადამიანის ქონება კი ცეცხლმა გაანადგურა.

მედიაში ვრცელდება ტრაგიკული კადრი, თუ როგორც სძინავს მამაკაცს მისი დამწვარი სახლის სახურავზე. პრესასთან საუბრისას მან თქვა: “სახურავზე მძინავს, რადგან სახლის შიგნით სუნთქვა არ შემიძლია. სად უნდა დავიძინო? სიბნელეში და კვამლში? გარეთ ჯობია. ყველას გვძინავს გარეთ ეზოში დივნებზე  და სკამებზე. გვითხრეს, არაფერი შეგვეცვალა, სანამ ზარალის დასაფიქსირებლად მოვლენ. ყველაფერი დავკარგე, აღარაფერი დარჩა.. მხოლოდ ფარდები, მაგიდა და საწოლი. არ მინდა აქედან  წავიდე, რადგან ღამით ვხედავ მანქანებს, რომლებიც მოდიან და მიდიან და მეშინია, რაც დამრჩა ისიც არ  წაიღონ.

ხანძრის გაჩენის დროს სახლში ვიყავი, მოპირდაპირე მთაზე ცეცხლს ვხედავდი. არ მეგონა, რომ აქამდე მოვიდოდა. უცებ ვხედავ დასახლებაში შემომავალ ალს. მანქანაში ჩავსხედით და წავედით, მაგულაში სკვერში გავედით და იქ ვიცდიდით, 15 წუთში ყველაფერი დაიწვა“ -ამბობს ის.

მანდრაში გაჩენილმა ხანძარმა დაწვა სახლები და მანქანები, ათასობით ჰექტარი ფერფლად  და ნანგრევებად იქცა, ასობით ადამიანის მთელი ცხოვრების მანძილზე შექმნილი ქონება კი წუთებში გაანადგურა ცეცხლმა.