ამინდის უახლესი პროგნოზი- შუადღიდან ადგილობრივი წვიმა ჩრდილო-აღმოსავლეთში

დღეიდან მთელი ქვეყნის მასშტაბით ტემპერატურის ახალი მატებაა მოსალოდნელი.  ტემპერატურის მაქსიმალური კონტინენტური  მაჩვენებლები მიაღწევს 40-დან 42 გრადუს ცელსიუსამდე მიაღწევს, ადგილობრივად კი თესალიისა და სტერეაში 43-დან 44 გრადუს ცელსიუსამდე, იონიის კუნძულებზე, აღმოსავლეთ ეგეოსის კუნძულებზე, დოდეკანისსა და სამხრეთ კრიტზე 39-დან 41 გრადუსამდე.

თუმცა, დღის საათებში კონტინენტურ რაიონებში განვითარდება ღრუბლიანობა, ჩრდილო-აღმოსავლეთ ნაწილში შესაძლებელია ადგილობრივი წვიმა.

ტემპერატურა მაღალ ნიშნულზე შენარჩუნდება ხვალ, ოთხშაბათს, შუადღიდან კი ქვეყნის ჩრდილო-დასავლეთით და უფრო კონკრეტულად ჩრდილოეთ იონიაში, ეპიროსსა და დასავლეთ სტერეაში ამინდი შეიცვლება შტორმით, რომელსაც დროებით მოჰყვება ძალიან ძლიერი ჩრდილო-დასავლეთის ქარი. ეს ხანმოკლე, მაგრამ ინტენსიური მოვლენები საღამოს გავრცელდება მაკედონიაში, თესალიაში, დასავლეთ პელოპონესსა და სამხრეთ იონიაში.

ოთხშაბათისთვის, სინოპტიკოსი საკის არნაუტოღლუ მოუწოდებს მოსახლეობას განსაკუთრებული ყურადღებისაკენ ხანძრის გაზრდილი რისკის გამო უმეტეს კონტინენტურ რაიონებში (დაბლობზე და მთებში), რადგან არ არის გამორიცხული, რომ ქარის სიჩქარემ მიაღწიოს 5-6 ბოფორტს, დაბლობ თესალიაში და აღმოსავლეთ მატერიკზე იქნება 7 ბოფორტი, ხოლო მთებში ქარის უფრო მეტად გაძლიერებაა მოსალოდნელი.