ესპანეთი: ბისკაის ყურეში მცურავ იახტაზე ორი ტონა კოკაინი აღმოაჩინეს

ესპანეთის პოლიციამ ქვეყნის ჩრდილოეთ სანაპიროზე მცურავი იახტიდან 70 მილიონი ევროს ღირებულების, დაახლოებით  ორი ტონა კოკაინი ამოიღო.

იახტის აღმოჩენა აღნიშნულ ტერიტორიაზე, ბისკაის ყურეში, უჩვეულოდ მიიჩნიეს, რადგან კოკაინის უმეტესობა ლათინური ამერიკიდან ევროპაში ჩვეულებრივ ესპანეთის დასავლეთ, ატლანტის სანაპიროზე მიდის.

13 მეტრი სიგრძის იახტა სახელწოდებით “Night Falls” ბრიტანეთის დროშის ქვეშ ცურავდა. იგი მდებარეობდა ქალაქ სანტანდერიდან დაახლოებით 30 საზღვაო მილის დაშორებით. ეკიპაჟის ოთხი წევრი, ესპანელი, კოლუმბიელი და ორი ვენესუელელი დააკავეს.

ესპანეთის პოლიციის, საბაჟოსა და გაერთიანებული სამეფოს მიერ ჩატარებული ერთობლივი ოპერაცია ეფუძნებოდა ნარკოდანაშაულის წინააღმდეგ ბრძოლის საზღვაო  ოპერატიული ცენტრის მიერ მიღებულ ინფორმაციას. აღნიშნული ინფორმაციის საფუძველზე მოეწყო საჰაერო და საზღვაო ძებნა და დიდი ოდენობით ნარკოტიკული ნივთიერებით დატვირთული იახტის აღმოჩენა.