კოსი: იპოვეს არქეოლოგიური სიძველეები, რომელიც სახლის მშენებლობისთვის გამოიყენეს-დაკავებულია ორი პირი
კოსზე ნარკოტიკებისა და სიძველეების შენახვისთვის ორი მამაკაცი დააკავეს, ამოღებულია 163 გრამი კანაფი და 42 უძველესი ნივთი.
კერძოდ, ორ აგვისტოს, კუნძულ კოსზე უსაფრთხოების დეპარტამენტის პოლიციის თანამშრომლებმა ორი პირი დააკავეს, რომელთა მიმართაც საქმე მუქარის, არქეოლოგიური სიძველეებისა და ნარკოტიკული ნივთიერებების შენახვის ბრალდებით აღიძრა.
დაკავებულთა საცხოვრებელი ადგილის ჩხრეკისას აღმოჩენილია და ამოღებულია უძველესი არქეოლოგიური ნივთების 42 ნაწილი, რომელთაგან 10 სახლის სამშენებლო მასალად ჰქონდათ გამოყენებული და 163 გრამი ნედლი კანაფი.
ჩამორთმეული უძველესი ნივთები ექვემდებარება არქეოლოგიურ სიძველეთა შესახებ კანონის დამცავ დებულებებს და შემდგომი შეფასება-დათარიღებისთვის სიძველეთა კომპეტენტურ სამსახურს გადაეცემა.
დაკავებულები კოსის პროკურატურაში გადაიყვანეს.
საქმეს სამხრეთ ეგეოსის პოლიციის, ნარკოტიკების გავრცელების წინააღმდეგ ბრძოლის სამსახურის სპეციალური ოპერატიული განყოფილება იძიებს.
