მძიმე ავარია კიფისიას გამზირზე: ავტომობილი მაღაზიის ვიტრინას შეეჯახა

დღეს, 15 აგვისტოს, დილის 08:30 საათზე, მძიმე ავტოსაგზაო შემთხვევა მოხდა, რის შედეგადაც ჯიპის ახალგაზრდა  მძღოლი მრავლობითი დაზიანებებით მეხანძრე-მაშველებმა საავადმყოფოში გადაიყვანეს.

შემთხვევა ამარუსის რაიონში, კიფისიას გამზირზე,  სატრანსპორტო ზოლში მოხდა.  ავტომობილმა კონტროლი დაკარგა და 25 წლის მძღოლი მაღაზიის ვიტრინაში შევარდა. საბედნიეროდ, დღესასწაულთან დაკავშირებით ის დაკეტილი იყო, წინააღმდეგ შემთხვევაში მსხვერპლის თავიდან აცილება შეუძლებელი იქნებოდა. მხოლოდ სასწაულით მანქანა არ შეჯახებია არც ფეხით მოსიარულეებს და არც სხვა მანქანებს.

მანქანა ამორფულ მასად გადაიქცა და მეხანძრე-მაშველებმა მძღოლი დიდი გაჭირვებით გამოიყვანეს. ის საავადმყოფოში ცოცხალი, მაგრამ მრავლობითი დაზიანებებით არის მოთავსებული.