მძიმე ავტოსაგზაო შემთხვევა ლავრიოს გამზირზე-შედეგად დაშავდა ექვსი ადამიანი
დღეს, დილის 9 საათზე, ლავრიოს გამზირზე, ანო დასკალიოს კვეთაზე მდებარე შუქნიშანთან მძიმე ავტოსაგზაო შემთხვევა მოხდა.
პირველი მონაცემებით, მსუბუქი ავტომობილი, რომელსაც სირიელი ექიმი მართავდა, სატვირთოს უკანა ბორბლებს შეეჯახა, რომელიც გამზირს ვერტიკალურად კვეთდა.
მძიმე შეჯახების შედეგად ავტომობილის ექვსივე მგზავრი დაშავდა, მათ შორის ყველაზე მძიმე მდგომარეობაში იმყოფება მძღოლის მეუღლე, ქვედა კიდურების მოტეხილობებით.
წყვილის გარდა მანქანაში მათი ორი ქალიშვილი 16 და 17 წლის, ასევე ოჯახის ახლობელი ორი ორი სხვა პირი იმყოფებოდნენ.
დაშავებულები სასწრაფო დახმარების მანქანით საავადმყოფოში გადაიყვანეს, მძიმე შემთხვევის მიზეზებს კი საგზაო პოლიცია იძიებს.
გავრცელებული ინფორმაციით, კუნძულზე დასასვენებლად მყოფი და უკან დაბრუნებული ოჯახი ლავრიოს პორტში, გემიდან, შეჯახებამდე სულ ცოტა ხნით ადრე ჩამოვიდა.
