ათენი გმობს კვიპროსელი თურქების თავდასხმას გაეროს სამშვიდობო ძალებზე
საბერძნეთის საგარეო საქმეთა სამინისტრომ გაავრცელა განცხადება კვიპროსის ბუფერულ ზონაში გაეროს სამშვიდობო ძალებზე თურქი კვიპროსელების მიერ განხორციელებულ თავდასხმასთან დაკავშირებით.
საგარეო საქმეთა სამინისტროს განცხადება დეტალურად:
„ჩვენ ცალსახად ვგმობთ თურქი კვიპროსელების მიერ დღევანდელ მიუღებელ თავდასხმებს გაეროს სამშვიდობო ძალების წევრებზე კვიპროსში (UNFICYP), რომლებიც ცდილობდნენ ხელი შეეშალათ უნებართვო გზის მშენებლობისთვის პილას მახლობლად, ბუფერულ ზონაში.
მკვდარი ზონის ხელყოფის მცდელობა სტატუს კვოს აშკარა დარღვევაა, ხოლო გაეროს სამშვიდობოებზე თავდასხმა საერთაშორისო სამართლის უპატივცემულობის აქტი.
უკანონო ოპერაციები დაუყოვნებლივ უნდა შეწყდეს და საჭიროა თავიდან იქნას აცილებული ნებისმიერი სახის ქმედება, რომელიც კონფლიქტის შემდგომ ესკალაციას გამოიწვევს.
მსგავსი ქმედებები ეწინააღმდეგება და ხელს უშლის გაეროს ძალისხმევას კვიპროსის საკითხის მოგვარების გარშემო მოლაპარაკებების დადებითად წარმართვის საქმეში.”
ტერიტორიული კონფლიქტი კვიპროსელ ბერძნებსა და კვიპროსელ თურქებს შორის კუნძულზე დიდი ბრიტანეთის სამხედრო კონტინგენტის შესვლის შემდეგ დაიწყო.
ამჟამად ამ კონფლიქტის მოგვარებაში ჩართულია გაერთიანებული ერების ორგანიზაცია და ევროპის კავშირი.
