ათენის ლიკავიტოს ღია თეატრი 15 წლის შემდეგ კვლავ იხსნება
ათენის ლიკავიტოს საკულტო ღია თეატრი საფუძვლიანი რესტავრაციის გავლის შემდეგ ხელახლა გაიხსნება. თხუთმეტი წლის დახურვის ისტორიით, თეატრი კვლავ ჩნდება კულტურულ სცენაზე.
პირველი კონცერტი 15 სექტემბერს გაიმართება. მაყურებლის წინაშე წარსდგება პოპულარული მუსიკის ერთ-ერთი უდიდესი ბერძენი კომპოზიტორი, სტავროს ქსარხაკოსი.
თეატრი აშენდა 1965 წელს, არქიტექტორ ტაკის ზენეტოსის მიერ. მას განსაკუთრებული ადგილი უკავია ქალაქის კულტურულ და ისტორიულ მემკვიდრეობაში, რომელიც მასპინძლობდა სხვადასხვა ბერძნულ და საერთაშორისო მუსიკალურ წარმოდგენებს მანამდე, სანამ უსაფრთხოების მიზეზების გამო დაიხურებოდა.
2021 წელს ათენის მუნიციპალიტეტმა გამოაცხადა 1,5 მილიონი ევროს ღირებულების განახლების პროგრამა, რომელიც მოიცავდა თეატრის განახლებას და ხელახლა გახსნას, გორაზე ბილიკებისა და განათების სისტემის მოვლა-პატრონობას და წყალდიდობისგან დაცვას.
ლიკავიტოს თეატრი მდებარეობს ათენის გულში, რომელიც მნახველს სთავაზობს მშვიდ ოაზისს ცოცხალი ქალაქის ცენტრში.
ღია ცის ქვეშ კინოთეატრების ტრადიცია, რომელიც საბერძნეთში “საზაფხულო თეატრების” სახელითაა ცნობილი, ამშვენებს ქვეყნის ისტორიას. მთლიანად ატიკის რეგიონში და ათენის ცენტრში უამრავი ისტორიული ადგილია სამოცზე მეტი ასეთი თეატრით.
ბერძნებისთვის და მრავალი დამთვალიერებლისთვის ეს უნიკალური მომხიბლავი გამოცდილებაა, რომელიც აერთიანებს სპექტაკლის ნახვით მიღებულ სიამოვნებას ცნობილი ისტორიული ადგილების თვალწარმტაც ხედებთან ან პატარა, მყუდრო, ღია ცის ქვეშ დარბაზების ხიბლთან.
საბერძნეთში ყველა უბანს აქვს ღია კინოთეატრი. ზოგი ისეთივე უძველესი, როგორიც თვით თეატრის ისტორიაა.
ეს თეატრები ქმნიან შთამბეჭდავ ატმოსფეროს და ხშირად აკავშირებენ წარსულის საუკეთესო ტრადიციებს თანამედროვეობის სიახლეებთან.
