კრიტი: „ხელბორკილები“ პატარძლის ძმას და ორ მამაკაცს, რომლებიც ქორწილში ისროდნენ
პარასკევს (18/08), შუადღისას კრიტზე, ირაკლიოს ერთ-ერთ სოფელში, საქორწინო სამზადისის დროს, ქალი ძმის სახლში საპატარძლო კაბას იცვამდა და ჯვრისწერის ცერემონიისთვის ემზადებოდა.
როგორც კი ეკლესიაში წასასვლელად სახლიდან გამოვიდნენ, ორმა მამაკაცმა პისტოლეტები ამოიღო და საზეიმო განწყობის გამოსახატად ჰაერში სროლა დაიწყო.
ახლოს მცხოვრებმა ადგილობრივებმა ვერ გაიგეს რა ხდებოდა და შეშინებულებმა პოლიცია გამოიძახეს.
შემთხვევის ადგილზე მისულმა პოლიციამ სახლში ვერავინ იპოვა, ამიტომ უკან წავიდნენ. თუმცა, მეორე დღეს, დილით ისევ დაბრუნდნენ გამოძიების დასაწყებად.
სახლში დახვდათ მეპატრონე, რომელიც პატარძლის ძმა იყო და კიდევ ორი მამაკაცი, ისინი ვინც უმიზნო სროლა დაიწყო(ერთი მეჯვარე). პოლიციამ სამივე მათგანი ადგილზე დააკავა.
პარალელურად, პოლიციის თანამშრომლებმა იპოვეს და ამოიღეს სანადირო თოფი, პისტოლეტი და რამდენიმე ტყვია.
