Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
საბერძნეთი

მოქალაქის პირადი ნომერი-ერთი ნომერი ΑΦΜ-ის AMKA-ს, პირადობის მოწმობისა და პასპორტისთვის

საბერძნეთში ახალი ტიპის პირადობის მოწმობების შემოღებასთან დაკავშირებული ვნებათაღელვის და საზოგადოების გარკვეული ნაწილის მძაფრი პროტესტის მიუხედავად, ხელისუფლება აქტიურად ახორციელებს  მოქალაქეების სახელმწიფოსთან კონტაქტების და სერვისების დიგიტალიზაციის პროცესს უახლესი ინიციატივებით, რაც ხელს შეუწყობს რთული ბიუროკრატიული პროცესების გამარტივებას.

ამგვარად, გარდა ახალი ტიპის საიდენტიფიკაციო დოკუმენტისა, რომელიც თანდათან ჩაანაცვლებს ძველს, საბერძნეთის მოქალაქეებს მალე მიენიჭებათ უნიკალური პირადი ნომერი, რომელიც გააერთიანებს ყველა იმ სხვადასხვა ნომერს, რომელიც აქამდე არსებობდა სამთავრობო დოკუმენტების სერიაში.

აღნიშნული სიახლე მორგებულია როგორც თითოეული მოქალაქის, ასევე სახელმწიფოს კომფორტზე, რათა ნომრები იყოს თავსებადი ადმინისტრაციისთვის და ასევე მოქალაქეებს არ მოუწიოთ მრავალი განსხვავებული ნომრის დამახსოვრება.

ციფრული მმართველობის სამინისტროს გეგმის მიხედვით, პერსონალური ნომრის მოპოვების აღნიშნული პლატფორმა ნოემბრის შემდეგ ამოქმედდება. ამასთან, აღსანიშნავია, რომ ის უკვე დაკანონებულია 2020 წლიდან.

სამინისტროში განხორციელებული დაგეგმვის მიხედვით, ახალ პერსონალურ ნომერში გაერთიანდება  ΑΦΜ-ის ნომერი, AMKA, პირადობის მოწმობის ნომერი, პასპორტის ნომერი და შესაძლოა მართვის მოწმობის ნომერიც, ესეიგი ერთი ნომერი ყველა დოკუმენტისთვის.

აშკარაა, რომ ვისაც აქვს მოქმედი სამთავრობო დოკუმენტები წინა ნომრებით და მათაც, ვინც სექტემბრის ბოლოდან აიღებს ახალი ტიპის პირადობის მოწმობას, მოუწევს შეწუხება დოკუმენტების ნომრის შეცვლაზეც.

ციფრული მმართველობის სამინისტროს მიერ დადგენილი კანონის საფუძველზე, უნიკალური ნომერი შედგება ყველა საგადასახადო საიდენტიფიკაციო ნომრისა და დამატებით სამი ციფრისა და ასოსგან, რომელიც ჯერ კიდევ გასარკვევია, ალგორითმულად განისაზღვრება თუ მოქალაქის პირადი არჩევანით.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *