როდოსი: საშინელმა ელვამ ფალირაკში ცეცხლი გააჩინა

კუნძულ როდოსზე, ფალირაკსა და კალითისს შორის მდებარე ბორცვზე ელვის შედეგად გამოწვეული საშიში ხანძარი გაჩნდა, რის შედეგადაც როდოსის სახანძრო სამსახურის დიდი მობილიზაცია გახდა საჭირო.

Forecast Weather Greece-ის მიერ გამოქვეყნებული სურათი ელვით, რომელმაც ხანძარი გააჩინა, „შემაძრწუნებელია“.

გავრცელებული ინფორმაციით, ხანძარმა სწრაფად მიიღო დიდი მასშტაბები და საჭირო გახდა ადგილზე მისული 3 სახანძრო მანქანისა და მრავალი მოხალისის ჩარევა,  რომლებმაც დაახლოებით 20 წუთის შემდეგ ცეცხლი სრული კონტროლის ქვეშ მოაქციეს.

აღნიშნულ რაიონს ელვამ მოკლე პერიოდში უამრავჯერ დაარტყა, რის გამოც სახანძრო სამსახურის წარმომადგენლები აფრთხილებენ მოსახლეობას დარჩენილიყვნენ საკუთარ სახლებში და აუცილებელი  საჭიროების გარდა თავი შეეკავებინათ გადაადგილებისგან.