სალონიკი: 49 წლის მამაკაცი ლიფტის შახტაში ჩავარდა
უბედური შემთხვევა მოხდა პარასკევს შუადღისას თესალონიკის ცენტრში, როდესაც 49 წლის მამაკაცი ლიფტში შესვლის მცდელობისას სიცარიელეში ჩავარდა, რის შედეგადაც იგი დაშავდა და სასწრაფო დახმარების მანქანით საავადმყოფოში გადაიყვანეს.
გავრცელებული ინფორმაციით, შემთხვევა დაახლოებით ღამის 12 საათზე მოხდა. მოსკოვის ქუჩის 12 ნომერში მდებარე საცხოვრებელ კორპუსში 49 წლის მამაკაცმა ლიფტი გამოიძახა რომლის კარიც ჩვეულებრივ გაიღო, თუმცა მან ვერ შეამჩნია რომ კაბინა ადგილზე არ იყო და 5-6 მეტრის სიმაღლის შახტაში ჩავარდა. დაცემის დროს მან ქვედა კიდურების დაზიანება მიიღო.
შემთხვევის ადგილზე მივიდნენ სასწრაფო დახმარების და სახანძრო სამსახურის მაშველები, რომელთა დახმარებითაც დაშავებული შახტიდან ამოიყვანეს და ჰიპოკრატეს საავადმყოფოში გადაიყვანეს. მედიკოსების განცხადებით ამ დროისთვის მისი ჯანმრთელობის მდგომარეობა დამაკმაყოფილებელია.
