პატარა გოგონას და მისი ოჯახის ძაღლებს შორის წარმოუდგენელი ურთიერთობა ამერიკაში, მიჩიგანის შტატში, მსოფლიო მედიის ყურადღების ცენტრში მოექცა
პატარა გოგონას და მისი ოჯახის ძაღლებს შორის წარმოუდგენელი ურთიერთობა ამერიკაში, მიჩიგანის შტატში, მსოფლიო მედიის ყურადღების ცენტრში მოექცა.
Guardian-ის ცნობით, ორი წლის გოგონა მიჩიგანის ზემო ნახევარკუნძულზე, ტყეში საათობით გაუჩინარდა.
პოლიციამ დაკარგული ბავშვის სამძებრო ოპერაციაში დრონები და გაწვრთნილი ძაღლები გამოიყენა, სამართალდამცავები და მოქალაქეები მიჩიგანიდან და ვისკონსინიდან დიდხანს ეძებდნენ პატარა გოგონას შორეულ ტყეში.
დაკარგული ბავშვი საბოლოოდ ოჯახის ორ ძაღლთან ერთად ტყეში მძინარე იპოვეს, თუმცა ნანახმა სურათმა თვითმხილველები გააოგნა- ბავშვს პატარა ძაღლზე, როგორც ბალიშზე, თავმიდებულს ეძინა, ხოლო იქვე მწოლიარე მეორე ძაღლი მათ იცავდა.
პოლიციის ოფიცრები მიჩიგანის სამმართველოდან მენომინის ოლქში, დაბა ფეითჰორნში მცხოვრებმა ოჯახმა ორშაბათს, დაახლოებით საღამოს 8 საათზე გამოძახა, როდესაც პატარა გოგონა სახლიდან გაიპარა და უკვალოდ გაუჩინარდა.
დაახლოებით შუაღამისას, შემთხვევითმა პირმა ბავშვი სახლიდან 4,8 კილომეტრში შეამჩნია. სამედიცინო შემოწმების შემდეგ მისი ჯანმრთელობის მდგომარეობა სრულიად დამაკმაყოფილებელი იყო.
