პატრაში ფასიანი ტელევიზიის “მეკობრეების” დანაშაულებრივი ჯგუფი დააკავეს

საბერძნეთი: ქალაქ პატრას უშიშროების სამსახურის თანამშრომლებმა გუშინ, ხუთშაბათს (28/9) განახორციელეს ფასიანი საკაბელო ტელევიზიის “მეკობრეების” წრედის დემონტაჟი, რომელთაც მათ მიერ შექმნილი თაღლითური სქემის გამოყენებით მოახერხეს დაახლოებით 25 მილიონი ევროს მოგების მიღება.

კერძოდ, პოლიციამ მრავალთვიანი გამოძიების შემდეგ მოახერხა რვა წლის წინ ჩამოყალიბებული თაღლითური ორგანიზაციის დემონტაჟი, ორგანიზაციის ყველა წევრის იდენტიფიცირება და დაკავება, ასევე მათი მოქმედების სქემის სრულად გამოკვეთა.

შეგროვებული მონაცემების საფუძველზე ირკვევა, რომ ჯგუფმა მიიტაცა სააბონენტო სატელევიზიო არხების ( Nova  და Cosmote) სიგნალები და სპეციალური პროგრამული უზრუნველყოფისა და დეკოდირების მეშვეობით შესთავაზა მომხმარებელს მათი შინაარსის უკანონო გადაცემა 10-15 ევროდ.

მათ ჰყავდათ ტექნიკური დახმარების ჯგუფიც იმ შემთხვევაში, როცა სიგნალი წყდებოდა ან რაიმე პრობლემა იქმნებოდა, ჯგუფი აგვარებდა სპეციალური პროგრამული უზრუნველყოფის საშუალებით. ისინი აქტიურობდნენ, როგორც საბერძნეთში, ასევე მის ფარგლებს გარეთ.-აცხადებენ ძალოვანი წყაროები.

საქმეზე 10 ადამიანი დააკავეს, ცხრა ბერძენი და ერთი უკრაინელი, მათშორის ჯგუფის ხელმძღვანელი, მისი მოადგილეები, მოლარეები, რგოლის მიერ გამოყენებული ვებსაიტების ადმინისტრატორები და ა.შ.