Latest news
Ελληνικό Μετρό: კიფსელის მაცხოვრებლების სახლებიდან გამოყვანის საჭიროება არ არსებობს ბავშვთა დახმარება A21: 27 ნოემბრიდან ისევ იხსნება ელ.პლატფორმა განცხადებების მისაღებად გიორგოს მაზონაკისის გარდაცვალების მიზეზად პროპოფოლი დასახელდა მასშტაბური ღონისძიებები პოლიტექნიკურ უნივერსიტეტში ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს 17 ნოემბრის მნიშვნელობა სრულიად საბერძნეთისთვის 17 ნოემბერს შუადღის 2 საათიდან დაიკეტება მეტროსადგური: სინდაგმა, პანეპისტიმიო და მეღარო მუსიკის ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა
სამშაბათი, ნოემბერი 17, 2026
საბერძნეთიUncategorized

არცერთ მშობელს ჩვენს ადგილზე ყოფნას არ ვუსურვებ – აცხადებენ 20 წლის გოგონას მშობლები

არცერთ მშობელს ჩვენს ადგილზე ყოფნას არ ვუსურვებ – აცხადებენ 20 წლის გოგონას მშობლები

სალონიკში, ელექტრონული მუსიკის ფესტივალზე MDMA-ს ზემოქმედების შედეგად გარდაცვლილი გოგონას ოჯახისწევრები სრულყოფილ გამოძიებასა და ყველა პასუხისმგებელი პირის დასჯას ითხოვენ.

გარდაცვლილის მამა, კოსტას ადამი, აცხადებს, რომ მისი ქალიშვილი სწავლას ოჯახურ ბიზნესში მუშაობას უთავსებდა და პასუხისმგებლიანი, მოწესრიგებული ახალგაზრდა იყო. მისივე თქმით, გოგონა დაკავებულ 20 წლის მეგობარს ბავშვობიდან იცნობდა.

მამამ ასევე გაამხილა, რომ სამი წლის წინ იმავე ახალგაზრდასთან დაკავშირებული მსგავსი შემთხვევა უკვე მოხდა, მაშინ გოგონა უგონო მდგომარეობაში საავადმყოფოში გადაიყვანეს. მამა სამართალდამცველებს მოუწოდებს, ყველა გარემოება გამოიკვლიონ, რათა მსგავსი ტრაგედია სხვა ოჯახებს აღარ დაატყდეთ თავს.

ოჯახის ადვოკატის, ანტონის კუდროღლუს განცხადებით, საქმეში არაერთი საეჭვო გარემოებაა, რომელთა დეტალური შესწავლაც აუცილებელია. ოჯახი გარდაცვალების მიზეზების დასადგენად დანიშნულ ექსპერტიზაში დამოუკიდებელი სპეციალისტის ჩართვასაც გეგმავს.

გოგონას გარდაცვალების საქმეზე მის 20 წლის მეგობარს პროკურატურამ მძიმე დანაშაულისთვის, სასიკვდილო შედეგის გამომწვევი საფრთხის შექმნისთვის ბრალი წაუყენა. მას ასევე ედება ბრალი ნარკოტიკული ნივთიერების შეძენაში, ფლობასა და მოხმარებაში. გამოძიება გრძელდება იმ პირის ვინაობის დასადგენადაც, რომელმაც ახალგაზრდებს MDMA მიაწოდა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *