ატიკაში სასტუმროს ფრთა დაიხურა ტკიპების არსებობის გამო-ხელმძღვანელობა იმედოვნებს, რომ ინციდენტი ლოკალური ხასიათისაა
ატიკის რეგიონში ერთ-ერთი ცნობილი სასტუმრო იძულებული გახდა შეეჩერებინა სტუმრების განთავსება მის ერთ ნაწილში, რათა ჩაეტარებინა დეზინფექცია სასტუმროს აღნიშნულ მონაკვეთზე გაჩენილი ტკიპების გამო.
როგორც ჩანს ტკიპები სასტუმროში გაჩნდა იმ ქვეყნებიდან ჩასული სტუმრებისგან, რომლებსაც აქვთ ეს პრობლემა. ეს არის საფრანგეთი და დიდი ბრიტანეთი, სადაც ზოგადად გავრცელებულია ტკიპები. სავარაუდოდ მათი გადატანა მოხდა ტანსაცმლით ან ბარგით.
სასტუმროს მენეჯმენტის განცხადებით, ისინი შესაბამის სპეციალისტებთან განიხილავენ ტკიპების საწოლ ლეიბებში მოხვედრის შესაძლო ალბათობას, რადგან მათი განცხადებით, სასტუმროს ნომრებში ლეიბების გამოცვლის ხარჯები საკმაოდ მაღალია.
ოფიციალურ განცხადებაში აღნიშნულია, რომ სასტუმრომ დაუყოვნებლივ მიიღო შენობის აღნიშნული ფრთის დალუქვის ზომები და დეზინფექციისთვის ეცნობა შესაბამის სამსახურს.
აქვე ხაზგასმულია, რომ სხვა მსგავსი ფაქტი ქვეყნის მასშტაბით არცერთ სხვა სასტუმროში არ დაფიქსირებულა და ინციდენტი ლოკალური ხასიათისაა.
