ახალი წლის მოსვლასთან ერთად ინფრასტრუქტურისა და ტრანსპორტირების სამინისტრო საბერძნეთის მოსახლეობას სიახლეებს ჰპირდება

ახალი წლის მოსვლასთან ერთად ინფრასტრუქტურისა და ტრანსპორტირების სამინისტრო საბერძნეთის მოსახლეობას სიახლეებს ჰპირდება

ტელემაუწყებელ ΕΡΤ-თან ისაუბრა ინფრასტრუქტურისა და ტრანსპორტის სამინისტროს მინისტრის მოადგილემ, ვასილის იკონომუმ სიახლეებზე, რომლებსაც ახალი საგზაო მოძრაობის კოდექსის რესტრუქტურიზაციის შედეგად უნდა ველოდოთ და იქვე ხაზი გაუსვა, რომ ახალი წლიდან განახლდება სატრანსპორტო საშუალებები მათ შორის ავტობუსები და მეტროსადგურები.

“ამჟამად 100 ელექტრო-ავტობუსი გვყავს, რომლებიც ქალაქში მოძრაობას იანვრის შუა რიცხვებიდან დაიწყებენ. ზაფხულისთვის ათენში უკვე 950 ახალი ავტობუსი უნდა გვყავდეს. ხოლო 2027 წლამდე კი სრულიად უნდა იყოს ჩანაცვლებული ძველი ავტობუსები ახალით.” – აცხადებს ვასილის იკონომუ.

ასევე იგეგმება საზოგადოებრივი ტრანსპორტით მგზავრობის საფასურის გადახდის წესის ცვლილებაც. კერძოდ ათენის სატრანსპორტო საშალებებში (მეტრო, ავტობუსი, ტრამვაი) ამოქმედდება უკონტაქტო გადახდის მეთოდი, რაც ითვალსწინებს როგორც საბანკო ბარათით, ასევე ციფრული საფულით (ტელეფონიდან ან სმარტ ვოჩიდან) ბილეთის საფასურის გადახდას.

აღსანიშნავია ისიც, რომ მგზავრები ჩვეულებრივ რეჟიმში შეძლებენ ძველი მეთოდით, დაბეჭდილი ბილეთებით მგზავრობას. ახალი გადახდის მეთოდი არის მათთვის ვისაც არ სურთ ჩადგნენ რიგში ბილეთების აპარატებთან, ან მოიცადონ სალაროებთან. 

იმისთვის რომ მგზავრებმა უკონტაქტო გადახდით ისარგებლონ აუცილებელია ტელეფონებში ჩამოტვირთონ შესაბამისი აპლიკაცია EMV – Tap & Pay.