ბორტზე დიდი რაოდენობით ალკოჰოლის მოხმარების გამო თვითმფრინავის ორი მგზავრი დააკავეს
ბორტზე დიდი რაოდენობით ალკოჰოლის მოხმარების გამო თვითმფრინავის ორი მგზავრი დააკავეს
ეგვიპტისკენ მიმავალ რეისზე მყოფი წყვილის გამო თვითმფრინავს ნიკოს კაზანძაკის სახელობის აეროპორტში, ირაკლიოში მოუწია დაჯდომა. შემთხვევა ორშაბათს ღამით მოხდა, როდესაც 42 წლის ქალბატონმა ირლანდიიდან და 45 წლის მამაკაცმა პოლონეთიდან საკმარისზე მეტი ალკოჰოლი მიიღეს და ჯოჯოხეთად აქციეს სხვა მგზავრებისთვის გლასგოვიდან ჰურგანდაში მგზავრობა.
ბორტგამცილებლებმა ყველანაირ ხერხს მიმართეს, რომ წყვილი დაემშვიდებინათ, მაგრამ მათთან საერთო ენის გამონახვა ვერაფრით შეძლეს. შესაბამისად, პილოტი იძულებული გახდა ირაკლიოში სასწრაფოდ ჩაფრენა მოეთხოვა აეროპორტის თანამშრომლებისგან.
აღნიშული წყვილი პოლიციამ დააკავა. განყოფილებაში გადაყვანილია მათი 8 წლის შვილიც.
წყვილის თვითმფრინავიდან ჩამოსმის შემდეგ თვითმფრინავი დაუბრუნდა ჩვეულ კურსს და გააგრძელა ეგვიპტისკენ მიმავალი რეისი.
