კალამატა: ვასილიკიზე გამუდმებით ძალადობდა – აცხადებს გარდაცვლილის ადვოკატი

კალამატა: ვასილიკიზე გამუდმებით ძალადობდა – აცხადებს გარდაცვლილის ადვოკატი

“სცემდა და ურტყამდა წიხლებს მაშინაც კი როცა ორსულად იყო” – აცხადებს 39 წლის ვასილიკის ადვოკატი, რომელსაც ქმარმა დანით 45 სასიკვდილო ჭრილობა მიაყენა.

კალამატაში მომხდარი საზარელი მკვლელობის ახალი დეტალები ვრცელდება. გავრცელებული ინფორმაციის თანახმად ქალი მკვლელობამდე ერთი თვით ადრე ადვოკატთან კონსულტაციაზე მივიდა, რათა მიეღო რჩევები თუ როგორ დაეღწია უსაფრთხოდ თავი მოძალადისგან.

ადვოკატს ვასილიკიმ გაანდო რომ უკვე წლებია მისი მეუღლე მასზე უმოწყალოდ ძალადობს.

ვასილიკის ადვოკატმა ტელემაუწყებელ Mega-სთან საუბრისას განაცხადა: “აგინებდა, ემუქრებოდა და ფიზიკურად ძალადობმა მასზე. ემუქრებოდა, რომ თუ სახლიდან წავიდოდა ბავშვებს ვეღარასდროს ნახავდა. სწორედ ამის ეშინოდა ყველაზე მეტად ვასილიკის. მკვლელობის დღემდე ერთი კვირით ადრე სასამართლოში მომაკითხა და მითხრა, რომ აღარ აპირებდა მის მეუღლესთან დაშორებას. იმ დღეს ვასილიკისთან ერთად მისი მეუღლეც იყო სასამართლოში. ყველგან თან დაყვებოდა.”