კვირის ბოლოდან ქვეყანაში ზაფხული ოფიციალურად შემოაბიჯებს

კვირის ბოლოდან ქვეყანაში ზაფხული ოფიციალურად შემოაბიჯებს

დღეიდან საბერძნეთი ტემპერატურის ეტაპობრივ და შესამჩნევი მატების ფაზაში შედის. კვირის ბოლოს კი საბოლოოდ დაიწყება ზაფხულის ცხელი ამინდები და შევძლებთ დავივიწყოთ შტორმები, აფრიკული მტვერი და არასტაბილური ამინდი.

სინოპტიკოსი საკის არნაუროღლუ თავის პოსტში აქვეყნებს მომდევნო ერთი კვირის პროგნოზსს. როგორც ვხედავთ ტემპერატურა ეტაპობრივად იმატებს და შემდეგ კვირას 35 გრადუსსაც კი მიაღწევს.

“30 მაისის შემდეგ მნიშვნელოვნად შემცირდება ქვეყანაში არასტაბილური ამინდების ფენომენი და საგრძნობლად მოიმატებს ტემპერატურა.”

თუმცა ეროვნული მეტეოროლოგიური სამსახურის დირექტორის, თოდორის კოლიდას განცხადების თანახმად ამ ოთხშაბათს უნდა ველოდოთ მერყევ ამინდსა და წვიმებს: “უფრთხილდით ჩრდილოეთის ქარებს, რადგან კვირასა და ორშაბათს ეგეოსში 6-7 ბოფორის სიმძლავრით დაუბერავენ, ხოლო აღმოსავლეთ ატიკში კი 5-6 ბოფორის სიმძლავრით.”

რაც შეეხება დღევანდელი დღის ამინდის პროგნოზს დედაქალაქში ღრუბლიანი ამინდია. ათენის ჩრდილოეთ ნაწილში 3-5 ბოფორის სიმძლავრის ქარები დაუბერავენ ხოლო აღმოსავლეთ ნაწილში კი 6. ტემპერატურა 18-დან 28 გრადუსამდე მოიმატებს.