რატომ არის ფუგუ ყველაზე საშიში სახეობა ხმელთაშუა ზღვაში
რატომ არის ფუგუ ყველაზე საშიში სახეობა ხმელთაშუა ზღვაში
ბერძენი მეთევზის მიერ გადაღებულმა ვიდეომ ნათლად აჩვენა ფუგუს ერთ-ერთი ყველაზე საშიში და შემაშფოთებელი თვისება – კანიბალიზმი. ეს სახეობა ბოლო წლებში აქტიურად გავრცელდა საბერძნეთისა და მთლიანად ხმელთაშუა ზღვის წყლებში, რაც სერიოზულ პრობლემებს უქმნის როგორც მეთევზეობას, ისე ზღვის ეკოსისტემას.
ვიდეოში მეთევზემ ექსპერიმენტი ჩაატარა და სატყუარად ფუგუ გამოიყენა, რათა შეემოწმებინა ესხმიან თუ არა თავს თევზები საკუთარ სახეობას თავს. შედეგი შოკისმომგვრელი აღმოჩნდა: რამდენიმე წამში ფუგუს ჯგუფი დაესხა თავს თევზს და თითქმის მთლიანად შეჭამა.
მათი თავდასხმის სისწრაფე, აგრესიულობა და ორგანიზებულობა ადასტურებს, რომ ფუგუ, ე.წ “ლაგოკეფალი” ერთ-ერთი ყველაზე აგრესიული სახეობაა ხმელთაშუა ზღვაში. სპეციალისტების ინფორმაციით, ისინი ხშირად ესხმიან თავს საკუთარი გუნდის სუსტ, დაშავებულ ან ანკესზე წამოგებულ წევრებს და სწრაფად ანადგურებენ მათ.
თევზს ძლიერი კბილები აქვს, რომლითაც ადვილად აზიანებს ბადეებს, სათევზაო ხაზებსა და სხვა აღჭურვილობას.
გარდა ამისა, შეგახსენებთ, რომ ფუგუს მოხმარება ადამიანისთვის უკიდურესად საშიშია, რადგან იგი შეიცავს ტეტროდოტოქსინს: ძლიერ ნეიროტოქსინს, რომელმაც შეიძლება მძიმე მოწამვლა და სიკვდილიც კი გამოიწვიოს. სწორედ ამიტომ ფუგუ დღეს ერთ-ერთ ყველაზე პრობლემურ და საშიშ უცხო სახეობად მიიჩნევა ხმელთაშუა ზღვის რეგიონში.
