Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთისაზოგადოება

რა გახდა პლაკაზე მომხდარი აფეთქების გამომწვევი მიზეზი, რომელმაც 6 ადამიანის სიცოცხლე იმსხვერპლა

რა გახდა პლაკაზე მომხდარი აფეთქების გამომწვევი მიზეზი, რომელმაც 6 ადამიანის სიცოცხლე იმსხვერპლა

პლაკაზე მომხდარი აფეთქების საქმეზე, რომელსაც ექვსი ადამიანის სიცოცხლე ემსხვერპლა, სამ დაკავებულს ბრალი განსაკუთრებით მძიმე დანაშაულის კატეგორიით ჩატენილ ქმედებაში ედება. დაკავებულები, ორი საბერძნეთისა და ერთი ალბანეთის მოქალაქე, დღეს ყოფილი სამხედრო აკადემიის (ეველპიდონის) სასამართლოში წარდგებიან.

მათ ბრალად ედებათ განზრახ ცეცხლის წაკიდება და აფეთქების გამოწვევა, რასაც ადამიანების დაღუპვა მოჰყვა, ექვსი ადამიანის სიცოცხლის მოსპობა არაპირდაპირი განზრახვით, ასევე ჯანმრთელობისთვის მძიმე საფრთხის შემცველი სხეულის დაზიანების მიყენება.

34-დღიანი გამოძიების შედეგად, სახანძრო სამსახურის დანაშაულების წინააღმდეგ ბრძოლის სამმართველომ, პროკურატურის ზედამხედველობით, დაადგინა სამი პირის ვინაობა და დააკავა ისინი.

გამოძიების მთავარი მტკიცებულებები გახდა სათვალთვალო კამერების ჩანაწერები და ათენის ეროვნული ტექნიკური უნივერსიტეტის (პოლიტექნიკური უნივერსიტეტის) ლაბორატორიული კვლევების შედეგები.

გამოძიების თანახმად, სამივე ბრალდებული ტრაგედიამდე რამდენიმე საათით ადრე სამსართულიან შენობასთან მივიდა. ორი მათგანი შენობაში შევიდა და ბუნებრივი აირის მრიცხველთან მდებარე დახურული კარადიდან სპილენძის მილების მოპარვას შეეცადა.

მათ ბუნებრივი აირის მიწოდების ერთ-ერთი მილი გადაჭრეს, რის შედეგადაც აირმა შენობაში გაჟონა. რამდენიმე წუთში ისინი ადგილიდან გაიქცნენ და თან სპილენძის მილის ნაწილი წაიღეს. მათი გადაადგილება სათვალთვალო კამერებმა დააფიქსირა.

გამოძიების ვერსიით, გადაჭრილი მილიდან გაჟონილი ბუნებრივი აირი შენობაში გავრცელდა და მეორე სართულზე დაგროვდა, სადაც ხანდაზმული წყვილი ცხოვრობდა.

სამართალდამცველების ერთ-ერთი ვერსიით, ხანდაზმული ქალი გარკვეულ მომენტში ადგა და შესაძლოა, ელექტრული ჩამრთველი ჩართო, რამაც ნაპერწკალი წარმოქმნა და დაგროვილი აირის აფეთქება გამოიწვია.

ძლიერმა აფეთქებამ შენობის ნაწილი ჩამოანგრია და ექვსი ადამიანის სიცოცხლე იმსხვერპლა.

აფეთქების მასშტაბს ასახავს შემთხვევის ამსახველი ფოტომასალაც, რომელშიც ჩანს, რომ ცეცხლი შენობის როგორც ზედა სართულებზე, ისე პირველ სართულზეც იყო მოდებული.

ფოტოზე ასევე ჩანს შავი ფერის მიკროავტობუსი, რომელიც სასკოლო ტრანსპორტს ეკუთვნოდა და აფეთქებამდე სულ რამდენიმე წამით ადრე შემთხვევის ადგილს გასცდა.

დროის ამ უმნიშვნელოვანესმა დამთხვევამ თავიდან აიცილა დამატებითი მსხვერპლი და სასკოლო მიკროავტობუსი მომხდარი კატასტროფის ეპიცენტრში არ აღმოჩნდა.

გამოძიების თანახმად, სწორედ სპილენძის მოპარვის მცდელობამ და ბუნებრივი აირის მილის დაზიანებამ გამოიწვია ის ტრაგედია, რომელსაც ექვსი ადამიანის სიცოცხლე შეეწირა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *