საბერძნეთი: არასრულწლოვანებმა თანაკლასელზე ფიზიკურად იძალადეს
მოსწავლეზე ძალადობის და ბულინგის შოკისმომგვრელი ფაქტი მოხდა ათენში, ერთ- ერთ კერძო სკოლაში.
15წლის მოსწავლეს თავს დაესხა მისი ექვსი თანაკლასელი, მათ შორის ერთი გოგონა.
დილის საათებში, შესვენების დროს, არასრულწლოვანებმა საკლასო ოთახში, მათსავე თანაკლასელს ყელზე სათევზაო თოკი შემოახვიეს და ცდილობდნენ თოკით მთლიანად შეებოჭათ, რის შედეგადაც ბავშვს კისრის არეში ფიზიკური დაზიანებები მიაყენეს.
მოძალადეები სასტიკად დასცინოდნენ მსხვერპლს,ცდილობდნენ მისთვის ფიზიკური ტკივილის მიყენებას, ხოლო საკლასო ოთახში მყოფი დანარჩენი ბავშვები მშვიდად ადევნებდნენ თვალყურს ძალადობის ამ საშინელ ფაქტს.
მოსწავლეზე განხორციელებული თავდასხმის და სასტიკი ბულინგის ზემოთ აღნიშნულ ფაქტთან დაკავშირებით ეცნობა პოლიციის შესაბამის ქვედანაყოფს.
ძალადობაში მონაწილე ოთხი არასრულწლოვანი დააკავეს და გადაიყვანეს არასრულწლოვანთა დაცვის დირექტორატის შტაბ- ბინაში, დანარჩენი ორის დაკავება ამ დრომდე ვერ მოხერხდა.
საქმეში ჩაერთო არასრულწლოვანთა საკითხებზე პასუხისმგებელი ათენის პირველი ინსტანცია, რომელმაც საქმის მასალების დაუყოვნებლივ გადაცემა და ავტომატური პროცედურების დაცვის ბრძანება გასცა.
მოსწავლეები პოლიციის შესაბამის განყოფილებიდან დაკითხვისა და ახსნა- განმარტების, ასევე მკაცრი გამაფრთხილებელი რეკომენდაციების მიცემის შემდეგ გაათავისუფლეს.
მათ პოლიციის შენობა მშობლებთან ერთად დატოვეს.
