სიდნეი 2026: XII საერთაშორისო საზაფხულო საუნივერსიტეტო პროგრამა გამოქვეყნდა

სიდნეი 2026: XII საერთაშორისო საზაფხულო საუნივერსიტეტო პროგრამა გამოქვეყნდა

გამოქვეყნდა XII საერთაშორისო საზაფხულო საუნივერსიტეტო პროგრამა: „ბერძნული ენა, კულტურა და მედია“, რომელიც 2026 წლის 6–11 სექტემბერს ავსტრალიის ქალაქ სიდნეიში გაიმართება.

წლევანდელი ღონისძიების მთავარი თემაა „ბერძნული ენა ავსტრალიაში: მეხსიერებიდან მომავალამდე“. პროგრამა დაეთმობა ბერძნული ენისა და კულტურის შენარჩუნებას დიასპორაში, თანამედროვე საგანმანათლებლო მიდგომებს, ხელოვნური ინტელექტისა და ციფრული ტექნოლოგიების როლს, ასევე ბერძნულენოვანი მედიის მნიშვნელობას ეროვნული იდენტობის გაძლიერებაში.

აღნინშნული პროგრამა ჩატარდება ახალი სამხრეთ უელსის უნივერსიტეტში (UNSW), Rex Vowels Theatre-ში. ყველა სესია ხელმისაწვდომი იქნება ონლაინ რეჟიმშიც, ხოლო დასწრება იქნება თავისუფალი.

ღონისძიებას ორგანიზებას უწევს იოანინას უნივერსიტეტი, UNSW-ის ბერძნული კვლევების პროგრამასთან და საერთაშორისო პარტნიორებთან თანამშრომლობით. მონაწილეობას მიიღებს დაახლოებით 100 მეცნიერი, მკვლევარი, პედაგოგი, ჟურნალისტი და კულტურის სფეროს წარმომადგენელი საბერძნეთიდან, კვიპროსიდან, ავსტრალიიდან, აშშ-დან და ევროპის ქვეყნებიდან.

პროგრამა ასევე მოიცავს კულტურულ ღონისძიებებს, გამოფენებს, დოკუმენტური ფილმების ჩვენებებსა და ბერძნული ტრადიციული მუსიკის საღამოებს.