შორტი, რომელმაც შესაძლოა „ეველპიდონის ჩემოდნის“ საქმეში გარდაცვლილი ქალის ვინაობა გამოავლინოს

შორტი, რომელმაც შესაძლოა „ეველპიდონის ჩემოდნის“ საქმეში გარდაცვლილი ქალის ვინაობა გამოავლინოს

ეველპიდონის მიმდებარე ტერიტორიაზე მიტოვებულ შენობაში, ჩემოდანში აღმოჩენილი ქალის ცხედრის საქმის გამოძიება ახალ ეტაპზე გადადის. საბერძნეთის პოლიცია (ΕΛΑΣ) ცდილობს დაადგინოს გარდაცვლილი ქალის ვინაობა.

გავრცელებული ინფორმაციის მიხედვით, გამომძიებლებმა ყურადღება ქალის ტანსაცმელზე გაამახვილეს, განსაკუთრებით კი ერთ შორტზე, რომელიც ცენტრალური ევროპის ერთ-ერთი უნივერსიტეტის სახელწოდებას ატარებს. ეს ნივთი ახლა დეტალურად მოწმდება და შესაძლოა გამოძიებას ახალი მიმართულება მისცეს. გამომძიებლების შეფასებით, ასეთი შორტის ტარება შეიძლება ნიშნავდეს, რომ ქალი თავად სწავლობდა ამ უნივერსიტეტში ან მის ახლო წრეში ვინმე იყო ამ სასწავლებლის სტუდენტი.

საბერძნეთის პოლიცია, გეგმავს დაუკავშირდეს აღნიშნულ უნივერსიტეტს, რომელიც როგორც დადგინდა თანამშრომლობს საბერძნეთის რამდენიმე ორგანიზაციასთან.

ქალის იდენტიფიცირება ამ დრომდე ვერ მოხერხდა. მას პოლიციასთან წარსულში კავშირი არ ჰქონია და არც დაკარგულ პირთა სიებთან შედარებამ გამოიღო შედეგი. დნმ-ის ანალიზითაც ვერ მოხერხდა მისი სავარაუდო ნათესავების ვინაობის დადგენა. 

საქმის გახსნა კიდევ უფრო რთულდება, რადგან სასამართლო-სამედიცინო ექსპერტიზამაც ვერ შეძლო გარდაცვალების ზუსტი მიზეზის დადგენა.