ალექსანდრუპოლი: ამწე მაღალი ძაბვის ელექტროგადამცემ ხაზებს შეეხო-მძღოლი რეანიმაციაშია

ალექსანდრუპოლში მაღალი ძაბვის კაბელებს ამწე  “შეეჯახა” და ცეცხლი გაუჩნდა – მისი მძღოლი   რეანიმაციაშია.

მანქანა უკუსვლით  მიდიოდა, რა დროსაც ის  მაღალი ძაბვის ელექტროგადამცემ ხაზებს  შეეხო.

დენის გადასვლამ ამწეზე მაშინვე გამოიწვია ხანძარი, რომელმაც მთლიანად გაანადგურა იგი.

მძღოლი,  რომელსაც დენმა დაარტყა  შემთხვევის ადგილზე მყოფმა მუშებმა  ამწის კაბინიდან უგონოდ, კრიტიკულ მდგომარეობაში  მყოფი გამოიყვანეს და სასწრაფო დახმარების ბრიგადამ  ალექსანდრუპოლის საუნივერსიტეტო ჰოსპიტალში გადაიყვანა.

ამ დროისთვის  დაშავებული ხელოვნურ სუნთქვაზე იმყოფება.

ხანძრის ჩასაქრობად ადგილზე მობილიზებული იყო  სახანძრო სამსახურის სამი მანქანა და ექვსი მეხანძრე- მაშველი.

ინციდენტმა ალექსანდრუპოლის თითქმის ნახევარ ტერიტორიაზე ელექტროენერგიის  ავარიული გათიშვა გამოიწვია.