კანადელმა ჟურნალისტმა ათენის ვენიზელოს აეროპორტში ბომბის არსებობის შესახებ ცრუ განგაში გამოაცხადა

ათენის აეროპორტში თელ-ავივიდან ჩაფრენილ  თვითმფრინავზე ბომბის არსებობის შესახებ გამოცხადებული განგაში უსაფუძვლო აღმოჩნდა.

ყველაფერი საღამო ხანს, დაახლოებით 18:10 საათზე დაიწყო, როდესაც კანადელი ეროვნების მამაკაცი  “ელეფთერიოს ვენიზელოს” სახელობის აეროპორტის საინფორმაციო ჯიხურთან მივიდა და  განაცხადა, რომ თვითმფრინავში, რომელიც აეროპორტში თელ-ავივიდან დაეშვა, ბომბი იყო.

მამაკაცი მაშინვე დააკავეს და პოლიციამ ის დაკითხა. აღმოჩნდა, რომ ეს იყო კანადელი ჟურნალისტი, რომელმაც თქვა, რომ ის აშუქებდა ისრაელის ომს და მისი განცხადების თანახმად, მან გადაწყვიტა ცრუ განგაში გამოეცხადებინა, რათა შეემოწმებინა ათენის აეროპორტში რა შესაბამის  ზომებს მიიღებდნენ!

მიუხედავად ამისა, უსაფრთხოების მიზნით მაინც განხორციელდა პოლიციის მიერ გაწვრთნილი ძაღლების მეშვეობით თვითმფრინავს შემოწმება.