საბერძნეთი: საჯარო ტრანსპორტის 24 საათიანი გაფიცვა პირველ მაისს

პირველი მაისის საპროტესტო აქციებში  საჯარო ტრანსპორტის თანამშრომლები 24 საათიანი გაფიცვით მონაწილეობენ.

ორშაბათს, 1 მაისს, 24 საათით  მუშაობას შეაჩერებს მეტროს პირველი, მეორე და მესამე ხაზი, ასევე  ტრამი.

რაც შეეხება ავტობუსებს და ტროლეიბუსებს,  1 მაისს ცვლის   დაწყებიდან დილის 9 საათამდე და 21:00 საათიდან ცვლის დასრულებამდე ავტობუსები და ტროლეიბუსები ჩვეული განრიგით იმუშავებენ, დღის დანარჩენ მონაკვეთში  კი მოძრაობა შეჩერდება.

1 მაისის გაფიცვაში არ მონაწილეობენ და ჩვეულ რეჟიმში განაგრძობენ მუშაობას KTEL-ის მარშრუტებზე მოძრავი ავტობუსები.