ამაზონზე 100-ზე მეტი დელფინი დაიღუპა, წყლის ტემპერატურა 39 გრადუს ცელსიუსს აღწევს
100-ზე მეტი მკვდარი დელფინი აღმოაჩინეს ბოლო ერთ კვირაში ბრაზილიის ამაზონში, სადაც გვალვის გამო წყლის ტემპერატურამ არანორმალურად მაღალ მაჩვენებელს, 39 გრადუს ცელსიუსს მიაღწია.
მკვდარი დელფინები ტეფეს ტბაზე ბოლო შვიდი დღის განმავლობაში შენიშნეს, იტყობინება Mamiraua-ს ინსტიტუტი, რომელსაც ბრაზილიის მეცნიერებათა სამინისტრო აფინანსებს.
“კონკრეტული მიზეზის დადგენა ჯერჯერობით ნაადრევია, მაგრამ ჩვენი ექსპერტების აზრით დელფინების მასობრივი სიკვდილი ნამდვილად დაკავშირებულია მშრალ სეზონთან და ტეფეს ტბის მაღალ ტემპერატურასთან,”- ნათქვამია განცხადებაში.
მკვლევარები და აქტივისტები ცდილობენ გადაარჩინონ ძუძუმწოვრები ტბებიდან მდინარის მთავარ ნაწილზე გადაადგილებით, სადაც წყლის ტემპერატურა შედარებით დაბალია, თუმცა მდინარის დელფინების სხვა მდინარეში გადაყვანა არც ისე უსაფრთხოა, სანამ არ დადასტურდება, რომ წყალში არ არსებობს ტოქსინები ან ვირუსები,- აცხადებენ ინსტიტუტის მკვლევარები.
ამაზონის გვალვა გავლენას ახდენს ეკონომიკაზეც, რადგან 59 მუნიციპალიტეტში პარალიზებულია როგორც ტრანსპორტი, ასევე მდინარეზე თევზჭერის პროცესი.
ხელისუფლება მომავალ ორ კვირაში კიდევ უფრო ინტენსიურ გვალვას ელოდება, რამაც შესაძლოა დელფინების შემდგომი სიკვდილი გამოიწვიოს.
