ბავშვთა საავადმყოფოები: გაუქმებული ოპერაციები და ერთ წლიანი რიგები
ბავშვთა საავადმყოფოები: გაუქმებული ოპერაციები და ერთ წლიანი რიგები
ბავშთა საავადმყოფო «Η Αγία Σοφία»-ს ექიმებმა გადაწყვიტეს შეწყვიტონ დემონსტრაციებში მონაწილეობის მიღება და ჩაატარონ ჩვეულ რეჟიმში დაგეგმილი ქირურგიული ოპერაციები, რადგან მათ მიიღეს გარანტია ანესთეზიოლოგების დამატებასთან დაკავშირებით.
თუმცა გამოსვლებს ისევ აგრძელებენ ბავშვთა საავადმყოფო «Παναγιώτη και Αγλαΐας Κυριακού»-ს ანესთეზიოლგიური დეპარტამენტის ექიმები. აღნიშნულ საავადმყოფოში ორშაბათიდან, 27 მაისიდან უქმდება ყველა დაგეგმილი ოპერაცია.
შეგახსენებთ, რომ ბავშთა საავადმყოფო «Η Αγία Σοφία»-ში დაგეგმილი ოპერაციის მოლოდინში 2 000-მდე ბავშვია, ხოლო დამატებით 1 000 ბავშვი ელოდება თავის რიგს «Αγλαΐα Κυριακού»-ში. გავრცელებული ინფორმაციის თანახმად ბავშვებს აღნიშულ რიგში დგომა მოუწევთ 6 თვიდან ერთ წლამდე, რადგან საავადმყოფოებში არ არის საკმარისი ექიმების რაოდენობა.
ცნობილია, რომ ბავშთა საავადმყოფო «Η Αγία Σοφία»-ში დაგეგმილი ოპერაციების გაუქმება პირველი ივნისიდან იგეგმებოდა. აღნიშნული გადაწყვეტილება მიღებულ იქნა მხოლოდ და მხოლოდ იმიტომ, რომ საავადმყოფოს თანამშრომლები მუშაობდნენ მათთვის დამღუპველ და საავადმყოფოს გამართული ფუნქციონირებისთვის სახიფათო პირობებში. მათი სიფხიზლის საკითხი ეჭქვეშ იყო დაყენებული, რადგან მორიგეობდნენ რეკომენდირებულზე მეტ საათებს.
