ბოდიში არ მოუხდია, არც კი გვინახავს – აცხადებს 62 წლის პაციენტის შვილი, რომელსაც სხვა პაციენტის ნაცვლად გადაუსხეს სისხლი
ბოდიში არ მოუხდია, არც კი გვინახავს – აცხადებს 62 წლის პაციენტის შვილი, რომელსაც სხვა პაციენტის ნაცვლად გადაუსხეს სისხლი
ტრაგედია დატრიალდა ოჯახში დამხმარე ექთანის მიერ დაშვებული შევდომის გამო, რომელიც 62 წლის პაციენტს სიცოცხლის ფასად უჯდება.
62 წლის ქალის სხეულში განსხვავებული ჯგუფის სისხლის შესვლის შემდეგ მას სასიცოცხლოდ მნიშვნელოვანი ორგანოები დაუზიანდა და ამ დრომდე ინტენსიური თერაპიის განყოფილებაშია მოთავსებული.
“წინა ღამით პაციენტი გონზე იყო, ბედნიერი. მის შვილებთან ერთად იცინოდა და დამხმარეც არ სჭირდებოდა.” – აცხადებს ოჯახის ადვოკატი.
შეგახსენებთ, რომ ამ დრომდე ეძებენ დამხმარე ექთანს, რომელმაც სისხლი შემთხვევით სხვა პაციენტს გადაუსხა. შემთხვევას ამძიმებს ის ფაქტი, რომ 62 წლის ქალს სხვა ჯგუფის სისხლი გადაუსხეს, რამაც მისი ჯანმრთელობის მდგომარეობის გაუარესება გამოიწვია და საჭირო გახდა მისი ინტენსიური თერაპიის განყოფილებაში გადაყვანა.
დამხმარე ექთანს პაციენტის ოჯახის წევრებმა უჩივლეს, თუმცა სამართალდამცავ ორგანოებს მისი პოვნა უჭირთ.
პაციენტის ოჯახის ადვოკატმა, ათანასიოს ალექოპოულოსმა განაცხადა, რომ ექიმები პაციენტის გადარჩენის იმედს თითქმის არ იძლევიან.
დამხმარე ექთანი საავადმყოფოში უკვე 7 წელია მუშაობს. ის არ იყო პასუხსიმგებელი სისხლის გადასხმის პროცედურის ჩატარებაზე, შესაბამისად სამართალდამცავი ორგანოები იძიებენ მომხდარს, რათა დადგინდეს ვინ არის მომხდარზე პასუხისმგებელი.
