არ წყდება არასრულწლოვანთა დანაშაულის შემთხვევები. პოლიცია თითქმის ყოველდღე ადებს ბორკილებს მოზარდებს მათ მიერ ჩადენილი ძარცვის, ქურდობისა და ძალადობის გამო.
ამჯერად პოლიციამ ექვსი არასრულწლოვანი დააკავა ლიოსიაში, რომლებმაც შექმნეს დაჯგუფება და გაძარცვეს თანატოლები, რომლებიც სასეირნოდ იმყოფებოდნენ ელეფსინას სანაპიროზე.
კონკრეტულად, ექვსი არასრულწლოვანი თავს დაესხა პირეას სკოლის ორ მოსწავლეს, რომლებიც იმყოფებოდნენ აღნიშნულ ტერიტორიაზე და დასაკეცი დანების მუქარით წაართვეს ქურთუკები და 10 ევრო.
ძარცვის შემდეგ მცირეწლოვანი დამნაშავეები მაშინვე გაიქცნენ. ბავშვებმა მომხდარი ადგილობრივი პოლიციის განყოფილებას შეატყობინეს, სადაც თანამშრომლებმა მათ სავარაუდო დამნაშავეთა ფოტოები აჩვენეს და არასრულწლოვანმა დაზარალებულებმა ერთ-ერთი მათგანი ამოიცნეს.
პოლიციამ აღნიშნულ რაიონში ჩხრეკის ჩატარების შედეგად ექვსი არასრულწლოვანი დააკავა. მათ წინააღმდეგ საქმე ყაჩაღობის მუხლით აღიძრა და დაკავებულები პროკურატურაში გადაიყვანეს.
