ვულკანი ეტნა კვლავ გააქტიურდა-კვამლმა და ფერფლმა საბერძნეთამდე მოაღწია

ვრცელდება სატელიტიდან გადაღებული,  იტალიაში, კუნძულ სიცილიაზე მდებარე  ყველაზე დიდი ვულკანის, ეტნას ამოფრქვევის ამსახველი  ფოტოები,  რომლებშიც ჩანს, რომ  ვულკანური კვამლი და ფერფლი სიცილიიდან საბერძნეთშიც  გავრცელდა და წრიულ კუნძულებამდე მიაღწია.

Climabook.gr-ის მიერ გამოქვეყნებულ რუკაზე ჩანს, რომ კვამლი თავდაპირველად გადის პატრას, კვეთს ათენს და აღწევს  წრიულ  კუნძულებამდე.

2023 წლის 21 მაისს, კვირას,  ვულკანი ეტნა კვლავ გააქტიურდა და ფერფლით  და კვამლით დაფარა ატმოსფერო,  რის გამოც ადგილობრივი ხელისუფლება იძულებული გახდა დაეხურა კატანიას აეროპორტი.

„ეტნას აქტივობისა და აეროპორტში მოვარდნილი დიდი რაოდენობით ვულკანური ფერფლის გამო, ფრენები შეჩერებულია მანამ, სანამ ფრენისთვის ხელსაყრელი გარემო  პირობები არ შეიქმნება”-  განაცხადა აეროპორტის ხელმძღვანელობამ.

ამოფრქვეული ფერფლი და  კვამლი დაახლოებით 5კმ სიმაღლემდე  აღწევდა, ხოლო გოგირდის დიოქსიდის (SO2) ნალექმა თითქმის 800 კმ დაფარა  ათენამდე და ეგეოსის ზღვამდე.

მთა ეტნა, რომლის სიმაღლე 3324 მეტრს აღწევს, ევროპაში ყველაზე აქტიური ვულკანია.