თესალონიკში სატესტო მარშრუტებისთვის ექვსმა ელექტრო ავტობუსმა დაიწყო გადაადგილება
თესალონიკში სატესტო მარშრუტებისთვის ექვსმა ელექტრო ავტობუსმა დაიწყო გადაადგილება
პირველი სატესტო გადაადგილება დაიწყო ექვსი ელექტროავტობუსიდან ერთ-ერთმა დღეს, დილის ხუთი საათზე, ΟΑΣΘ-ის სადგურიდან.
თესალონიკის ურბანული სატრანსპორტო ორგანიზაციის განცხადების თანახმად, რომელიც მან ფეისბუკზე გააკეთა, ელექტროავტობუსი დაიტენა სტავრუპოლის სადგურზე, სადაც დროებით განთავსებულია ორი ელექტრო სატენი ელექტრო მანქანებისა და ავტობუსებითვის.
სტავრუპოლში ორი სატენი საცდელი ვადით არის დამონტაჟებული და როგორც კი გამოსაცდელი პერიოდი დასარულდება, სხვა დანარჩენ 53 სატენთან ერთად გადატანილი იქნება მიმდებარე მიწის ნაკვეთზე, სადაც დამტენ სადგურს აშენებენ.
სატესტრო რეჟიმისთვის ელექტროავტობუსები 2,5 ტონა ქვიშის ტომრებით არიან დატვირთულები და ასე გადაადგილდებიან ქალაქის ქუჩებში. ამ მდგომარეობაში ავტობუსები იმოძრავებენ ყოველ დღე, გარკვეული საათების განმავლობაში ქალაქის მთელ ტერიტორიაზე, რათა შეასრულონ ის 5 000 კილომეტრი, რომლის გავლის შედეგადაც დადგინდება, აკმაყოფილებენ თუ არა ΟΑΣΘ-ის მიერ გამოცხადებულ კონკურსის პირობებს. სატესტო რეჟიმის წარმატებით გავლის შემხვევაში კი საბერძნეთის მთავრობა 110 ელექტრო ავტობუსს მიიღებს ქალაქ თესალონიკში გადასაადგილებლად.
