ისრაელის ახალი სახმელეთო ოპერაციის შედეგად ჰამასის ოთხი მაღალი სამხედრო წოდების პირი დაიღუპა

ისრაელის არმიამ ღაზას სექტორში ჰამასის ათობით სამიზნეზე ბოლო 48 საათის განმავლობაში მეორე სახმელეთო შეტევა განახორციელა.

IDF-ის თვითმფრინავებმა და არტილერიამ დაარტყეს ტერორისტული ორგანიზაცია ჰამასის კუთვნილ ტერორისტულ სამიზნეებს შუჯაიას რაიონში და ღაზას სექტორში.

დარტყმის სამიზნე იყო ტანკსაწინააღმდეგო რაკეტების გამშვები წერტილები, ასევე სამხედრო სარდლობისა და კონტროლის ცენტრები.

ამავდროულად, ისრაელის მხრიდან ცნობილი გახდა, რომ ღაზას სექტორში ისრაელის საჰაერო თაბდასხმების შედეგად დაიღუპა ჰამასის ოთხი მაღალი წოდების სამხედრო პირი, მათ შორის სადი ბარუდი, ჰამასის სადაზვერვო სამმართველოს უფროსის მოადგილე და ერთ-ერთი სავარაუდო “დამკვეთი”.

გავრცელებული ცნობით, ბარუდი მოკლეს თვითმფრინავის დარტყმის შედეგად. ის მონაწილეობდა 7 ოქტომბრის ხოცვა-ჟლეტის დაგეგმვაში და მრავალ სხვა სასიკვდილო თავდასხმაში ისრაელის წინააღმდეგ.

ასევე ცნობილი გახდა, რომ ისრაელის სამხედრო თვითმფრინავის იერიშმა ღაზას სექტორში მოკლა ჰამასის სამი მეთაური: რიფატ აბასი, იბრაჰიმ ჯადბა და ტარექ მაარუფი.

ისრაელის მთავრობა ხაზგასმით აცხადებს, რომ თავდასხმები გაგრძელდება ისრაელის მიწაზე ჰამასის ლიდერების და მებრძოლების სრულ განადგურებამდე, რომლებიც პასუხისმგებელნი არიან ბარბაროსულ თავდასხმებზე.