კონტროლი ომონიაზე

კონტროლი ომონიაზე

ომონიის მოედანზე დაკავებულ რუსეთის მოქალაქეს დანა და ცხელი იარაღი აღმოაჩნდა.

პიროვნება, რომელიც  ომონიის მოედანზე დააკავეს, 1999 წლიდან 2016 წლამდე, რამდენიმე დანაშაულისთვის იხდიდა სასჯელს. 55 წლის რუსი  ემიგრანტის დაკავების მიზეზი ამჯერად,  იარაღის უკანონო შენახვა  აღმოჩნდა.

protothema.gr-ის ინფორმაციით, შემთხვევა ომონიაზე მაშინ მოხდა, როცა პოლიციამ 55 წლის მამაკაცის მანქანა საეჭვოდ მიიჩნია და ანიშნა მას, რომ გაეჩერებინა. მძღოლი ბრძანებას არ დაემორჩილა და  გაქცევა სცადა, თუმცა რამდენიმე წუთით გზებზე მოძრაობა შეჩერდა და მოქალაქე დააკავეს.

როდესაც პოლიციის ოფიცრებმა მანქანა გაჩხრიკეს, ეჭვმიტანილის მანქანის  საბარგულში აღმოაჩინეს Walter-ის მარკის იარაღი – დაზიანებული სანომრე  და სერიული ნომრებით. ამასთან, 55 წლის მამაკაცს ასევე აღმოაჩნდა  ხანჯალი და ნარკოტიკული ნივთიერებები.

დაკავების გარდა, პოლიციამ იარაღი ბალისტიკური ანალიზისათვის, ECJ-ს გადასცა, რათა შეამოწმოს, იყო თუ არა ის გამოყენებული იმ დანაშაულებრივ ქმედებებში, რომლებსაც სამართალდამცავები იძიებენ.