კრემლი: ისრაელის განცხადებები ღაზაზე ბირთვული დარტყმის შესახებ კითხვებს აჩენს
რუსეთის საგარეო საქმეთა სამინისტრომ დღეს განაცხადა, რომ ისრაელის იუსტიციის მინისტრის განცხადება, რომელშიც ღიად ჩანდა ისრაელის მიერ ღაზაზე ბირთვული დარტყმის განხორციელების იდეა, ბევრ კითხვას ბადებს.
კერძოდ, რადიო ინტერვიუში კითხვაზე ჰიპოთეტური ბირთვული ვარიანტის შესახებ, მინისტრმა ამიჰაი ელიგიაჰუმ უპასუხა: “ეს არის ერთადერთი გზა.”რასაც მწვავე რეაგიარება მოჰყვა.
გუშინწინ, კვირას, პრემიერ-მინისტრმა ბენიამინ ნეთანიაჰუმ იუსტიციის მინისტრ ამიჰაი ელიგიაჰუს, რომელიც კოალიციურ მთავრობაში მონაწილე ულტრამემარჯვენე პარტიას ეკუთვნის, შეუჩერა მთავრობის სხდომებში მონაწილეობა.
სახელმწიფო დეპარტამენტმა ისრაელის ულტრანაციონალისტი მინისტრის განცხადება ღაზას სექტორზე ბირთვული ბომბის ჩამოგდების შესახებ “მიუღებელი” უწოდა და ყველა მეომარ მხარეს მოუწოდა, თავი შეიკავონ “სიძულვილის ენის” გამოყენებისგან.
„პრემიერმა ნეთანიაჰუმ და ისრაელის მთავრობამ უარყვეს ეს განცხადებები, რაც ჩვენ ასევე სრულიად მიუღებლად მიგვაჩნია“, – განუცხადა აკრედიტებულ ჟურნალისტებს აშშ-ს სახელმწიფო დეპარტამენტის სპიკერმა ვედანტ პატელმა.
ამ განცხადებამ აღშფოთება გამოიწვია არაბულ სამყაროშიც, მათ შორის საუდის არაბეთში, რომელიც ისრაელ-ჰამასის ომის დაწყებამდე აწარმოებდა წინასწარ მოლაპარაკებებს ებრაული სახელმწიფოს აღიარებაზე და ნეთანიაჰუს აკრიტიკებდა მინისტრის არ გაძევების გამო.
Facebook Comments Box
