ლამია: წარმოუდგენელი ავტოსაგზაო შემთხვევა-ავტომანქანა სახლს შეეჯახა და კედელი შეანგრია
წარმოუდგენელი ავტოსაგზაო შემთხვევა დღეს გამთენიისას, დაახლოებით 03:00 საათზე ლამიაში, კერძოდ ნავპაქტოსის ქუჩაზე მოხდა.
ავტომობილი, რომელშიც ორი ადამიანი იმყოფებოდა, ამ დრომდე გაურკვეველი მიზეზით სავალი ნაწილიდან გადავიდა და საცხოვრებელ სახლს შეეჯახა იმ ადგილას, სადაც საძინებელი იყო განთავსებული. მანქანა ფაქტიურად საძინებელ ოთახში შევარდა.
შეჯახების შედეგად დაშავდა მძღოლი და მგზავრი, რომლებიც სასწრაფო დახმარების მანქანით ლამიის გენერალურ საავადმყოფოში გადაიყვანეს.
სახლის პატრონი ამბობს, რომ მას გაუმართლა, ღმერთმა გადაარჩინა, რომ იმ დროს სხვა ოთახში იმყოფებოდა.
მომხდარი ავარიის გამომწვევ ზუსტ მიზეზებს ლამიის საგზაო პოლიცია იძიებს.
ვიდეო:
Facebook Comments Box
