მეინის შტატში შეიარაღებული თავდასხმის შედეგად ათეულობით ადამიანი დაიღუპა

აშშ-ის მეინის შტატის ქალაქ ლუისტონში უცნობმა თავდამსხმელმა ქალაქის 3 სხვადასხვა რაიონში ცეცხლი გახსნა. სროლას სულ მცირე, 22 ადამიანი ემსხვერპლა, ათეულობით კი დაშავდა.

მაინის შტატის პოლიცია აცხადებს, რომ შეიარაღებული თავდამსხმელი, რომელიც ამ დრომდე თავისუფლად გადაადგილდება, სავარაუდოდ ისევ ლუისტონში იმყოფება და მოსახლეობას ურჩევს დარჩნენ  ჩაკეტილ სახლებში და მოერიდონ გადაადგილებას.

პოლიციამ სავარაუდო ეჭვმიტანილად 40 წლის რობერტ კარდი დაასახელა. მაინის პოლიცია აღწერს თავდამსხმელს, როგორც შეიარაღებულს და უკიდურესად საშიშს. გავრცელებული ინფორმაციით, ის  ცეცხლსასროლი იარაღის სერტიფიცირებული ინსტრუქტორი და აშშ-ს არმიის რეზერვის წევრია.

ასევე ვრცელდება ინფორმაცია, რომ ფსიქიკური ჯანმრთელობის პრობლემების გამო ის ორი კვირით სამედიცინო სტაციონარში იყო მოთავსებული.