Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

ნეა ფილადელფია: ხორვატი და ბერძენი გულშემატკივრები 29 წლის მიხალის მკვლელობაში ერთმანეთს ადანაშაულებენ

პოლიციის წყაროების თანახმად, ხორვატიიდან ათენში ჩასული  ზაგრების დინამოს გულშემტკივრები და მათი ბერძენი თანამზრახველები, რომლებიც 29 წლის მიხალის მკვლელობის შემდეგ ხელბორკილებით გადაიყვანეს წინასწარ დაკავების იზოლატორში, ერთმანეთს ადანაშაულებენ OPAP Arena-ს გარეთ მომხდარ თავდასხმაში.

ამავე წყაროების მიხედვით, დაკავებისას და პოლიციაში გაკეთებულ განცხადებებში ბერძნები ხორვატებს ნეა ფილადელფიაში მომხდარ მკვლელობაში ადანაშაულებენ, თავის მხრივ კი ზაგრების დინამოს ფანები საპირისპიროს ამბობენ. ხორვატები ფაქტობრივად, აცხადებენ, რომ ათენში ინციდენტების გამოწვევის მიზნით კი არ იყვნენ ჩასულები, არამედ გუნდის ფსიქოლოგიური მხარდაჭერისისთვის და კაფეტერიებიდან მატჩის საყურებლად.

ამავდროულად, 94 ხორვატიდან არცერთი არ აღიარებს, რომ ისინი არიან 29 წლის ახალგაზრდის მკვლელობაში დამნაშავე და პოლიციისთვის მიცემულ ჩვენებებში მტკიცე პოზიციას ინარჩუნებენ.

აღებულია ყველა მათგანის დნმ-ის ნიმუში დარბევის ადგილზე აღმოჩენილ გენეტიკურ მასალასთან მისი იდენტიფიცირებისთვის.

ამ ვერსიას ასევე მხარი დაუჭირა  ტელეკომპანია Dnevnik Nova-ს ჟურნალისტმა, რომელიც ამტკიცებდა, რომ საბერძნეთის პოლიციამ თითის ანაბეჭდების მიხედვით დაასკვნა, რომ 29 წლის AEK-ის ქომაგის მკვლელი ბერძენია.

ხორვატი ჟურნალისტი ათენიდან Dnevnik Nova-სთვის გადაცემულ სიუჟეტში ამტკიცებდა, რომ არაოფიციალური ინფორმაციით, პოლიციას აქვს მკვლელის თითის ანაბეჭდები და ის სავარაუდოდ, საბერძნეთის მოქალაქეა.

სამშაბათს, დღის 12 საათის შემდეგ, ნეა ფილადელფიაში სასიკვდილო თავდასხმისთვის დაკავებულთაგან 94 პროკურატურას წარუდგინეს.

პროკურორებისთვის გადაგზავნილი მოცულობითი საქმის მასალები შეიცავს მძიმე ბრალდებებს, რომელთაგან ძირითადი დანაშაულებრივ ორგანიზაციაში მონაწილეობაა.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *