Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიო

ორი წლის ბავშვის გაუჩინარება საფრანგეთში: მიმდინარეობს ძებნის ფართომასშტაბიანი ოპერაცია

საფრანგეთის პოლიცია აწარმოებს სპეცოპერაციას ორი წლის ბიჭის მოსაძებნად, რომელიც უცნაურ გარემოებაში, უგზო-უკვლოდ დაიკარგა შაბათს, ქვეყნის სამხრეთით მდებარე ერთ-ერთი სოფლიდან.

როგორც Guardian იუწყება, ემილი შაბათს შუადღისას გაუჩინარდა სოფელ ლე ვერნედან, რომელიც მდებარეობს გრენობლისა და ნიცას რეგიონებს შორის, როდესაც ის ბებია-ბაბუის სახლის ბაღში თამაშობდა.

ოჯახი ემზადებოდა ექსკურსიაზე წასასვლელად და რაღაც მომენტში ცოტა ხნით ბავშვი მათი ყურადღების მიღმა დარჩა.

როდესაც გამგზავრება დააპირეს და ბავშვი მანქანაში უნდა ჩაესვათ, ბებია და ბაბუა მიხვდნენ, რომ ის მათთან აღარ იყო.

ამავდროულად, ბაბუა აცხადებს, რომ მისი ასაკის მიუხედავად ბიჭი საკმაოდ კარგად დადიოდა, ამავე დროს არ არსებობს რაიმე მინიშნება ან კვალი იმისა, რომ ის გაიტაცეს.

„პატარა სოფელია 20-მდე სახლით და ყველა ვხედავთ ერთმანეთს. უცხო პირების გადაადგილება შეუმჩნეველი არ დარჩებოდა, თუმცა ბავშვს  შეეძლო დამოუკიდებლად გარკვეული მანძილი გაევლო და დაკარგულიყო, ან მიმალულიყო სადმე“ – დასძინა მან.

როდესაც მიხვდნენ, რომ ბავშვი გაუჩინარდა, სასწრაფოდ აცნობეს პოლიციას და დაიწყო მისი ძებნის ოპერაცია მესაზღვრეების, მეხანძრეების და ადგილობრივი მოსახლეობის მონაწილეობით.

სამძებრო-სამაშველო ჯგუფებმა, ვერტმფრენებით, თერმული კამერებით აღჭურვილი დრონებით და სპეციალურად გაწვრთნილი ძაღლებით ტერიტორია დეტალურად შეამოწმეს, მაგრამ ბავშვის კვალი ჯერჯერობით ვერ აღმოაჩინეს. ძიება დაახლოებით 1200 ჰექტარზე მეტი ფართობის დიაპაზონში მიმდინარეობდა.

ადგილობრივები აცხადებენ, რომ სოფლის მახლობლად ტყეებით გარშემორტყმული ხეობა პოპულარულია ლაშქრობებისთვის.ამავე დროს პოლიციის განცხადებით ორმა ადგილობრივმა დაინახა თუ როგორ დატოვა ბიჭმა ბებია-ბაბუის სახლი, რის შემდეგაც მისი კვალი იქვე იკარგება.

ორშაბათს (10/7) დილას, ძებნის ზონა გაფართოვდა. პოლიციამ  მოითხოვა მოწმეები რომლებსაც შესაძლოა ენახათ ბიჭი, რომელსაც გაუჩინარებისას თეთრი შორტები და ყვითელი ზედა ეცვა.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *