Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

პარასკევი, 13 რიცხვი და ბერძნული ცრურწმენები

მიუხედავად იმისა, რომ ბერძნებს ოდითგანვე ეშინოდათ მე-13 სამშაბათის როგორც უბედურების მომტანი დღის, ანგლო-საქსონურმა კულტურამ, რომელმაც დიდი გავლენა მოახდინა ქვეყანაზე ფილმების, ტელევიზიისა და ინტერნეტის საშუალებით ბოლო ათწლეულების განმავლობაში, წინა პლანზე წამოწია მე-13 პარასკევი და მასთან დაკავშირებული ცრურწმენები.

აღსანიშნავია, რომ ბერძნებს ბევრი ცრურწმენა აქვთ. ზოგიერთი მათგანი გავრცელებულია სხვა ქვეყნებშიც და ითვლება, რომ ასეთ დღეებში თუ გარკვეული მოვლენები ერთმანეთს დაემთხვევა, დანარჩენი დღეები ან თუნდაც წელიწადი შეიძლება სავსე იყოს უსიამოვნებებით.

მაგალითად, ყველაზე დიდი ბერძნული ცრურწმენაა ეგრეთწოდებული “მატი”, ანუ ბოროტი თვალი. ბერძნების უმეტესობა ფიქრობს, რომ ისინი ბოროტი თვალის ჯადოსქრობის ქვეშ არიან, თუ ისინი ძალიან ლამაზები არიან ან ძალიან მდიდრები.

მიუხედავად იმისა, თუ საზოგადოების კატეგორიას მიეკუთვნება, ბევრი ბერძენი გარბის „ქსემატიასტრასთან“, ქალთან, რომელმაც იცის, როგორ მოაშოროს ბოროტი თვალი სავარაუდო მსხვერპლს.

ბერძნებს ასევე სჯერათ, რომ თუ მათ წინ შავი კატა გაივლის, ეს უბედურების მომასწავებელია, მიუხედავად იმისა, რომ საღად მოაზროვნე ადამიანი მხოლოდ და მხოლოდ იფიქრებს, რომ კატა უბრალოდ თავის საქმეზე მიდის და არანაირი ცუდი განზრახვა არ ამოძრავებს კონკრეტული ადამიანის მიმართ.

გარდა ამისა, ბერძნებს ძალიან ეშინიათ გატეხილი სარკეების რადგან ფიქრობენ, რომ მას უბედურება მოაქვს შვიდი წლის მანძილზე. თუ სარკე ტყდება ოჯახში, ზოგიერთმა შეიძლება მოისურვოს ნივთების ჩალაგება და სასწრაფოდ გადასვლა სახლიდან, რადგან ბევრს სჯერა, რომ სარკე ასახავს არა მხოლოდ ადამიანის გამოსახულებას, არამედ მის სულს.

გარდა ამისა, ბერძნების წარმოდგენაში გარდაუვალი უბედურების ნიშანია გამხმარი ყვავილები. გამხმარი ყვავილები ხომ არსებითად, მკვდარი ყვავილებია.

ასევე ცრურწმენაა დაკავშირებული წინა წლის კალენდართან. ბერძნები ტვლიან, რომ მისი სახლში დატოვება ცუდი ნიშანია,  რადგან ის ასოცირდება დროის სწრაფ სვლასთან და ამიტომ მომავალი დღეები შეიძლება არ იყოს კარგის მომტანი.

ბერძნებსაც აქვთ მარილის დაბნევის შიში. ისინი ამბობენ, რომ თუ მარილი შემთხვევით დაიბნევა, ეს უბედურების მომტანია.

საბერძნეთში სამზარეულოსთან დაკავშირებული სხვა ცრურწმენებიც არსებობს. მაგალითად, ხანდაზმული ბერძნები თვლიან, რომ არასდროს არ უნდა დადოთ პური ამობრუნებული, რადგან ეს არის უპატივცემულობა უფლის მიმართ, რომელიც გაწვდით პურს, რომელსაც მიირთმევთ. თუ ასე მოიქცევი, ღარიბი და მშიერი დარჩები.

და ბოლოს, არცერთ ბერძენს არ სურს კიბის ქვეშ გავლა. ეს ცრურწმენა დასავლეთშიც საკმაოდ გავრცელებულია, თუმცა საბერძნეთში მას განსაკუთრებით ემოციურად აღიქვამენ. ბერძენი მართლმადიდებელი ქრისტიანებისთვის კიბე სამკუთხედს ქმნის როდესაც ის კედელთან არის მიდგმული და თუ მის ქვეშ დადიხართ, ეს წმინდა სამების მიმართ უპატივცემულობის ნიშანია.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *