Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

პატრას უნივერსიტეტში 400-მა ჩარიცხულმა სტუდენტმა რეგისტრაცია არ გაიარა

პატრას უნივერსიტეტში 400-მა ჩარიცხულმა სტუდენტმა რეგისტრაცია არ გაიარა

პატრას უნივერსიტეტის რექტორის, ხრისტოს ბურასის განცხადებით, წელს დაახლოებით 400-მა ჩარიცხულმა სტუდენტმა უნივერსიტეტში რეგისტრაცია საერთოდ არ გაიარა. მისი თქმით, პრობლემას რამდენიმე მიზეზი აქვს, მათ შორის ოჯახების ფინანსური სირთულეები, სტუდენტური საცხოვრებლისა და გადაადგილების მაღალი ხარჯები და არასახელმწიფო უნივერსიტეტების განვითარება.

რექტორის ინფორმაციით, სტუდენტების კლება მხოლოდ ნაკლებად მოთხოვნად პროგრამებს არ ეხება, რეგისტრაცია არ გაიარა მედიცინის ფაკულტეტის 9 ჩარიცხულმა სტუდენტმაც, ასევე დანაკარგი დაფიქსირდა პოპულარულ საინჟინრო პროგრამებზე.

ბურასი მიიჩნევს, რომ მდგომარეობა მომავალ წლებში დემოგრაფიული შემცირების გამო კიდევ უფრო გამწვავდება. მისი შეფასებით, დღეს საბერძნეთის უმაღლეს სასწავლებლებში დაახლოებით 70 000 ადგილია, მაშინ როცა ჩარიცხულთა რაოდენობა დაახლოებით 60 000-ს შეადგენს. 2040 წლისთვის კი ახალი სტუდენტების რაოდენობა შესაძლოა 30–32 ათასამდე შემცირდეს.

რექტორი საუნივერსიტეტო სისტემის ფართო რეორგანიზაციას, მათ შორის უნივერსიტეტებისა და ფაკულტეტების შესაძლო გაერთიანებას არ გამორიცხავს. პარალელურად, პატრას უნივერსიტეტი უცხოენოვანი პროგრამებისა და საერთაშორისო თანამშრომლობების გაფართოებას გეგმავს უცხოელი სტუდენტების მოსაზიდად.

ბურასმა ასევე ყურადღება გაამახვილა სტუდენტურ საცხოვრებელზე. მისი თქმით, ქირის მაღალი ფასების მიუხედავად, შესაბამისი კრიტერიუმების მქონე სტუდენტებს ხელმისაწვდომი საუნივერსიტეტო საცხოვრებლით უზრუნველყოფენ, ხოლო პროცედურების დასრულებამდე უნივერსიტეტი სტუდენტებს უფასო კვებას სთავაზობს.

უნივერსიტეტი ასევე ახორციელებს ხელმისაწვდომობის პროგრამებს სპეციალური ტრანსპორტით ყოველდღიურად გადაადგილდებიან ის სტუდენტები, რომლებსაც მოძრაობის, მხედველობის ან სმენის სირთულეები აქვთ.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *