პირეოსი-ხანიას მიმართულებით მიმავალ გემზე გარდაცვლილი მგზავრი იპოვეს
პირეოსი-ხანიას მიმართულებით მიმავალ გემზე გარდაცვლილი მგზავრი იპოვეს
პირეოსი-ხანიას გემის ეკიპაჟმა, შაბათს დილით, სუდას პორტში, მაშინ როცა მგზავრებმა გემი დატოვეს, გემის ერთ-ერთ კუპეში დარჩენილი მგზავრი აღმოაჩინა, რომელიც სკამზე გაუნძრევლად იჯდა. გამომდინარე იქიდან, რომ მგზავრს თვალები დახუჭული ჰქონდა, ეკიპაჟის წევრებმა იფიქრეს, რომ მას უბრალოდ ჩაეძინა. თუმცა მგზავრის გამოღვიძების მცდელობისას დაადგინეს, რომ აღნიშული პიროვნება გარდაიცვალა.
ეკიპაჟის წევრებმა მგზავრის გარდაცვალების ამბავი დაუყოვნებლივ შეატყობინეს პორტის სამმართველოს და გამოიძახეს სასწრაფო დახმარება და პოლიცია.
როგორც მოგვიანებით დადგინდა, გარდაცვლილი 53 წლის მამაკაცია ბულგარეთიდან. მისი ცხედარი ხანიას საავადმყოფოში გადაიყვანეს, რათა ჩაუტარდეს ექსპერტიზა და დადგინდეს მისი გარდაცვალების მიზეზი.
