პოლიციამ 17 წლის ბიჭი საბერძნეთის საზღვარზე 30 პირის უკანონოდ გადმოყვანის გამო დააკავა
პოლიციამ 17 წლის ბიჭი საბერძნეთის საზღვარზე 30 პირის უკანონოდ გადმოყვანის გამო დააკავა
კუნძული სამოსის სანაპირო დაცვამ 22 ნოემბერს 17 წლის ბიჭი დააკავა, რომელმაც საბერძნეთის საზღვარზე 30 იძულებით გადაადგილებული პირი უკანონოდ შემოიყვანა.
სწრაფმავალი გემი, რომელზეც იძულებით გადაადგილებული პირები იმყოფებოდნენ დაკავებულთან ერთად, მაღალი სიჩქარით მიემართებოდა თურქეთის სანაპიროებიდან კუნძული სამოსის ჩრდილოაღმოსავლეთ მიმართულებით, სანაპირო დაცვამ შენიშნა. მას შემდეგ, რაც სანაპირო დაცვამ გემს გაჩერებისკენ მოუწოდა 17 წლის ბიჭმა ადგილიდან მიმალვა სცადა, კიდევ უფრო მოუმატა სიჩქარეს და სახიფათო მანევრებით ცდილობდა პოლიციის ხელიდან დასხლტომას.
სანაპირო დაცვამ საბოლოოდ მაინც შეძლო სწრაფმავალი გემის შეჩერება. გემზე დამნაშავესთან ერთად იმყოფებოდა 6 კაცი, 5 ქალი და 19 არასრულწლოვანი.
პოლიციამ 17 წლის ბიჭი განყოფილებაში გადაიყვანა, ხოლო იძულებით გადაადგილებული პირები კი დროებით თავშესაფარში განათავსეს.
