პრონიმაკი კარისტიანუს უჩვის

პრონიმაკი კარისტიანუს უჩვის

ყოფილმა პოლიტიკურმა თანამებრძოლმა, იოანის პრონიმაკისმა, მარია კარისტანიუს წინააღმდეგ საჩივარი შეიტანა. თანაპარტიელებს შორის გაუგებრობის მიზეზი პარასკევს სატელევიზიო ინტერვიუში მარია კარისტიანუს განცხადება გახდა, სადაც მან პრონიმაკი შანტაჟში დაადანაშაულა.

ფრონიმაკი აცხადებს, რომ მას ცილს სწამებენ და აღნიშნულ საქმეს უკვე სამართალდამცავი ორგანოები განიხილავენ. იქვე დასძინა, რომ მომავალში იმ ადამიანების წინააღმდეგაც გეგმავს სამართლებრივ რეაგირებას, რომლებიც მას სოც.ქსელებში შეურაცხყოფას აყენებენ, ემუქრებიან და ცილს სწამებენ. 

დავა დაკავშირებულია უძრავ ქონებასთან, რომელიც მარია კარისტიანუს საკუთრებაში აუქციონის შედეგად გადავიდა.

თავის ინტერვიუში კარისტიანუმ აღნიშნა, რომ ტემბის სარკინიგზო კატასტროფაში ქალიშვილის ტრაგიკული დაღუპვის შემდეგ მსგავსი საკითხებისთვის აღარ ჰქონდა არც ფსიქოლოგიური ძალა და არც სურვილი. მისი თქმით, აღნიშნული კომპანია რეალურად არასდროს ყოფილა ფუნქციური, რასაც ადასტურებს ΓΕΜΗ-ში გამოქვეყნებული ფინანსური ანგარიშგებაც, სადაც კომპანიის შემოსავალი ნულოვანია.

კარისტიანუმ ასევე განაცხადა, რომ მასზე ზეწოლას ახორციელებდნენ კონკრეტული პირები. მისი თქმით, ფრონიმაკისი და კიდევ რამდენიმე ადამიანი სთხოვდნენ, სასწრაფოდ დაეხურა კომპანია, მისი კვალი გაექრო და ეს საკითხი დაემალა. კარისტიანუს მტკიცებით, ეს მოთხოვნა შანტაჟის ფორმას ატარებდა და მიზნად ისახავდა, პარტიასთან დაკავშირებით გარკვეულ დათმობებზე წასვლას.

თავის მხრივ, ფრონიმაკისმა უკმაყოფილება გამოთქვა იმ ჟურნალისტების მიმართაც, რომლებმაც ინტერვიუ ჩაწერეს, რადგან, მისი თქმით, არ მისცეს შესაძლებლობა, პირდაპირ ეთერში ეპასუხა მის წინააღმდეგ გამოთქმული, მისივე შეფასებით, „სამარცხვინო ბრალდებებისთვის“.