რატომ არ უხდის თავშესაფრის სამსახური ხელფასს ადვოკატებს

რატომ არ უხდის თავშესაფრის სამსახური ხელფასს ადვოკატებს

ადვოკატები შეწყვეტენ ემიგრაციისა და თავშესაფრის სამსახურისთვის მუშაობას მანამ, სანამ თავშესაფრის სამსახური არ გადაუხდის ხელფასებს, რომლებიც მათ გაწეული მომსახურებისთვის ეკუთვნით. ათენის ადვოკატთა ასოციაციის პრეზიდენტმა, დიმიტრის ვერვესოსმა განაცხადა, რომ ევროკომისიისგან თავშესაფრის სამსახურს მიღებული აქვს სრული დაფინანსება იმისთვის, რომ ყველა თანამშრომლის ანაზღაურება იქნას უზრუნველყოფილი. 

მიუხედავად იმისა, რომ ადვოკატები, რომლებიც თავშესაფრის სამსახურისთვის მუშაობენ, სხვა მრავალი პრობლემის წინაშე დგანან, მათთვის ყველაზე დიდ პრობლემას მაინც ერთი წლის განმავლობაში მათთვის კუთვნილი ანაზღაურების გადაუხდელობა წარმოადგენს. კერძოდ კი ადვოკატებს ხელფასები არ მიუღიათ 2023 წლის ნოემბრის თვიდან. 

ათენის ადვოკატთა ასოციაციის პრეზიდენტმა ასევე განაცხადა, რომ თანხები ევროკავშირიდან საჭიროზე დიდი რაოდენობით მოდის, თუმცა სამინისტრო პრიორიტეტად კონტრაქტორებს, კერძო პირებისთვის თანხების გამოყოფას, აყენებს და არა იურისტებს, რომელთა მიმართაც ვალდებულება საერთაშორისო კონვენციების საფუძველზე აქვთ დაკისრებული, რადგან სახელმწიფო ვალდებულია თავშესაფრის მაძიებლებს გაუწიოს უფასო იურიდიული დახმარება და აღნიშნული იურიდიული დახმარების თანხობრივი კომპენსაცია კი ევროკავშირის მიერ გამოყოფილი დაფინანსებით უნდა მოხდეს.