რა თანხებთან არის დაკავშირებული სტუდენტებისთვის ათენში სწავლა
რა თანხებთან არის დაკავშირებული სტუდენტებისთვის ათენში სწავლა
ეროვნული გამოცდების დასრულების შემდეგ და უნივერსიტეტებში ჩარიცხულ სტუდენტთა სიების გამოქვეყნების პარალელურად, ათასობით აბიტურიენტი და მათი ოჯახი საცხოვრებლის ძებნას იწყებს. თუმცა, წლევანდელ ყველაზე დიდი გამოწვევად კვლავ ბინის მაღალი ქირა რჩება, განსაკუთრებით მცირე ზომის სტუდიოებისა და ერთოთახიანი ბინების შემთხვევაში.
უძრავი ქონების პლატფორმა Χρυσή Ευκαιρία-ს მონაცემებით, პატარა ბინებზე მოთხოვნა მნიშვნელოვნად გაიზარდა, ხოლო მათი რაოდენობა შეზღუდულია. ამაზე გავლენა იქონია მოკლევადიანი გაქირავების ზრდამ, ენერგორესურსების გაძვირებამ და სოციალურ-დემოგრაფიულმა ცვლილებებმა. ამჟამად ათენში გასაქირავებელი ბინებიდან მხოლოდ ყოველი მეხუთეა 55 კვადრატულ მეტრამდე.
2026 წლის მონაცემებით, სტუდენტური ბინების საშუალო ქირა უბნების მიხედვით ასეთია:
- ათენის ცენტრი – 35 კვ.მ სტუდიოს საშუალო ქირა 440 ევროა, ხოლო 50 კვ.მ ოროთახიანი ბინის – 630 ევრო.
- ზოღრაფუ – სტუდიო 420 ევრო, ოროთახიანი ბინა 590 ევრო.
- კალითეა – სტუდიო 400 ევრო, ოროთახიანი ბინა 570 ევრო.
- ეღალეო – სტუდიო 380 ევრო, ოროთახიანი ბინა 540 ევრო.
- პირეა – სტუდიო 400 ევრო, ოროთახიანი ბინა 570 ევრო.
ბინის ქირის ღირებულება ათენის ცენტრში საგრძნობლად გაიზარდა, უფრო კონკრეტულად კი ქირა 2025 წელთან შედარებით 7,3%-ით გაიზარდა.
მომატებული ფასების, ბინების სიმცირისა და განსაკუთრებული სტრესის გამო, რომელსაც აბიტურიენტები გადიან შედეგების მოლოდინში, Χρυσή Ευκαιρία-მ და კომპანია Units-მა სტუდენტების წახალისება გადაწყვიტეს. კომპანიები აცხადებენ კონკურსს, რომელში გამარჯვებულ სტუდენტსაც განსაკუთრებულ შესაძლებლობას სთავაზობენ. კონკურსის გამარჯვებული ერთი წლის განმავლობაში სრულიად უფასოდ იცხოვრებს სრულად აღჭურვილ ბინაში კესარიანში, სადაც გადახდილი იქნება როგორც ქირა, ისე კომუნალური გადასახადები და საერთო ხარჯები. კონკურსში მონაწილეობა შეუძლიათ 17-26 წლის ბაკალავრიატის სტუდენტებს, რომლებიც 2026-2027 სასწავლო წელს ათენში მდებარე უმაღლეს სასწავლებელში ისწავლიან. განაცხადების მიღება 30 ივლისამდე გაგრძელდება.
