Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
Uncategorizedსაბერძნეთი

როდის დასრულდება ციფრული ბარათების დანერგვის პროცესი კერძო სექტორებში

როდის დასრულდება ციფრული ბარათების დანერგვის პროცესი კერძო სექტორებში

საბერძნეთის შრომისა და სოციალური დაცვის მინისტრმა ნიკი კერამეოსმა განაცხადა, რომ ციფრული სამუშაო ბარათის (Ψηφιακή Κάρτα Εργασίας) პროგრამა ორ ახალ საპილოტე ეტაპად გაფართოვდება და დამატებით 476 000 დასაქმებულს შეეხება.

ინიციატივის მთავარი მიზანია დასაქმებულთა უფლებების დაცვა, არადეკლარირებული და ნაწილობრივ დეკლარირებული შრომის შემცირება, ასევე სამუშაო საათების ზუსტი აღრიცხვა. ახალი გაფართოების შემდეგ სისტემაში ჩართული თანამშრომლების რაოდენობა დაახლოებით 2,5 მილიონს მიაღწევს.

მინისტრის განცხადებით, ციფრული სამუშაო ბარათი უზრუნველყოფს რეალურად ნამუშევარი დროის ზუსტ დაფიქსირებას და თანამშრომლებისთვის კანონით გათვალისწინებული ანაზღაურების სრულად გადახდას. მისი თქმით, ეს ხელს უწყობს როგორც მუშაკთა დაცვას, ასევე სამართლიან კონკურენციას ბიზნესებს შორის.

პირველი საპილოტე ფაზა 2026 წლის 2 ივნისიდან 11 ოქტომბრამდე გაგრძელდება და მოიცავს:

  • ჯანდაცვის სექტორს (საავადმყოფოები, სამკურნალო და დიაგნოსტიკური ცენტრები);
  • დასაქმების მხარდამჭერ მომსახურებებს;
  • ტელეკომუნიკაციებს;
  • მომსახურების გარკვეულ სფეროებს, როგორიცაა საპარიკმახეროები, სილამაზის ცენტრები და ქიმწმენდები;
  • შენობებისა და გარე სივრცეების დასუფთავების მომსახურებებს.

მეორე ფაზა 2026 წლის 29 ივნისიდან 15 ნოემბრამდე განხორციელდება და მოიცავს:

  • საკონსულტაციო და სარეკლამო მომსახურებებს;
  • სარემონტო საქმიანობას;
  • საწყობებსა და ლოგისტიკურ მომსახურებებს;
  • წყლისა და საკანალიზაციო სისტემების მართვას;
  • აზარტული თამაშების სექტორს.

საპილოტე პერიოდის განმავლობაში მთავრობა შესაბამის სექტორებთან კონსულტაციებს გამართავს, რათა სისტემა თითოეული დარგის სპეციფიკურ მოთხოვნებს მაქსიმალურად მოერგოს.

აღსანიშნავია, რომ ციფრული სამუშაო ბარათის დანერგვამ უკვე მნიშვნელოვანი შედეგები გამოიღო. ზოგიერთ სექტორში დეკლარირებული ზეგანაკვეთური სამუშაო საათების რაოდენობა 1200%-მდე გაიზარდა, ხოლო 2025 წელს 2024 წელთან შედარებით 2,7 მილიონით მეტი ზეგანაკვეთური საათი დარეგისტრირდა. რაც ნათელს ხდის, რომ სისტემა ხელს უწყობს შრომითი ურთიერთობების გამჭვირვალობას და დასაქმებულთა უფლებების დაცვას.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *