Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
Uncategorizedსაბერძნეთი

რატომ აქვს ბერძნებისთვის ღვთისმშობლის მიძინების დღესასწაულს არამხოლოდ რელიგიური, არამედ ისტორიული დატვირთვაც

რატომ აქვს ბერძნებისთვის ღვთისმშობლის მიძინების დღესასწაულს არამხოლოდ რელიგიური, არამედ ისტორიული დატვირთვაც

15 აგვისტოს, ღვთისმშობლის მიძინების დღესასწაულს, საბერძნეთსა და მსოფლიოს სხვადასხვა კუთხეში მცხოვრები ბერძნები განსაკუთრებულად აღნიშნავენ. ამ დღეს ტაძრებსა და მონასტრებში ათასობით მორწმუნე იკრიბება ლოცვით, სანთლებით, შესაწირებითა და საუკუნეების განმავლობაში დამკვიდრებული ტრადიციების გასაზიარებლად.

დღესასწაულის ერთ-ერთი მთავარი ცენტრი კუნძული ტინოსია, სადაც ღვთისმშობლის სახელობის ტაძარში ყოველწლიურად ათასობით ადამიანი ჩადის. ზოგი მათგანი ღვთისმშობლისთვის სანთლის დასანთებად მიდის, ზოგი აღთქმის შესასრულებლად, ზოგიც კი მადლობის სათქმელად. ტინოსი მორწმუნეთათვის მხოლოდ რელიგიური ცენტრი არ არის. ის რწმენის, იმედისა და ადამიანური განსაცდელის სიმბოლოდ იქცა.

ტინოსის ღვთისმშობელი და სასწაულმოქმედი ხატის აღმოჩენა

ტინოისს დიდი მომლოცველობის ისტორია საბერძნეთის დამოუკიდებლობისთვის ბრძოლის პერიოდს უკავშირდება. გადმოცემის თანახმად, კეხროვუნიოს მონასტრის მონაზონ პელაგიას არაერთხელ გამოეცხადა ღვთისმშობელი სიზმარში და მიუთითა იმ ადგილას, სადაც მისი ხატი იყო დამარხული.

ხატის ძებნა 1822 წელს დაიწყო, ხოლო 1823 წლის 30 იანვარს იგი აღმოაჩინეს. აღმოჩენას იმდროინდელ ბერძნულ საზოგადოებაში განსაკუთრებული მნიშვნელობა მიენიჭა და იგი ბევრმა საბერძნეთის დამოუკიდებლობისთვის ბრძოლის ღვთაებრივ ნიშნად აღიქვა.

ხატის მოსალოცად თინოსს ეწვივნენ საბერძნეთის დამოუკიდებლობისთვის მებრძოლი ცნობილი ფიგურები, მათ შორის თეოდოროს კოლოკოტრონისი, ანდრეას მიაულისი, ნიკიტარასი და მაკრიანისი. სწორედ ამ პერიოდიდან ტინოსის ღვთისმშობლის ხატი ბერძნულ ცნობიერებაში რელიგიურ ტრადიციასთან ერთად ქვეყნის უახლეს ისტორიასთანაც მჭიდროდ დაკავშირდა.

ხატის აღმოჩენის ადგილას აშენდა შთამბეჭდავი ევანგელისტრიას ტაძარი. მის მშენებლობაში მნიშვნელოვანი წვლილი თავად მორწმუნეებმა შეიტანეს. დროთა განმავლობაში ტაძარი და ევანგელისტრიას ფონდი არა მხოლოდ რელიგიურ, არამედ საქველმოქმედო, საგანმანათლებლო და კულტურულ საქმიანობასაც ახორციელებდა.

ტიინოსის ერთ-ერთი ყველაზე შთამბეჭდავი სანახაობაა მორწმუნეთა გზა ნავსადგურიდან ტაძრამდე. ზოგი ადამიანი ამ გზას მუხლმოდრეკილი გადის და ამას აღიქვამს როგორც პირადი აღთქმის შესრულებას.

ზოგმა ღვთისმშობელს რთულ პერიოდში დახმარება სთხოვა, ზოგი კი მადლობის სათქმელად დაბრუნდა. სხვებისთვის ეს ოჯახური ტრადიციაა, რომელიც თაობიდან თაობას გადაეცემა.

სანთლები, სამკაულები, პატარა მეტალის შესაწირები, ხატები და პირადი ნივთები ადამიანების ლოცვის, შიშის, იმედისა და მადლიერების მატერიალურ გამოხატულებად არის ქცეული. თითოეული აღთქმის უკან კი საკუთარი ისტორია დგას.

ტინოსის მთავარი საზეიმო ღონისძიებები 13 აგვისტოდან იწყება. 15 აგვისტოს დილით ტარდება საზეიმო საღვთო ლიტურგია, რის შემდეგაც ღვთისმშობლის ხატი ქალაქის ქუჩებში მსვლელობით გადააქვთ. ზარები, საგალობლები და ათასობით მომლოცველი ქმნის ბერძნული 15 აგვისტოს ერთ-ერთ ყველაზე ცნობილ სურათს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *